90後情侶每週行IKEA發上車夢 男友愈行愈絕望：份糧實過唔到壓測 係咪應該放女友走？

香港樓價迫近歷史高位，而人工卻追不上樓價升幅，納米樓繼續成為上車寵兒。適逢電視台實況節目《納米無明火》，由主持人谷德昭每集走訪各個蝸居家庭，了解港人居住納米樓的真實一面，節目貼地贏得觀眾口碑。

撰文：經一編輯部｜ 圖片：連登討論區、IKEA官方圖片｜原文刊於經濟一週

女友憧憬蝸居生活 倍添無形失落感

「樓價無涯，但人工有涯」，不少年輕情侶都愛計劃將來新婚後「由細住起」，更會憧憬如何與另一半佈置新居、廳房該添置甚麼擺設。因此，假日到大型家品店拍拖閒逛，已經成為新世代上車族的主要精神寄託。

不過，在樓價高企的年代，現實與理想的差距年輕人置業難度倍增，而且不能單靠蝸居生活便能解決，令人意想不到的是，偕另一半逛家品店反而成為無形心理壓力。

有網民在討論區發文，坦言「每次同女友行完IKEA，都會有好大嘅無力同失落感」。事緣樓主跟女朋友拍拖5年，兩人即將步入30歲，大家都視對方為終生伴侶，並開始計劃另一階段。

樓主表示，雙方都有儲錢計劃，期望再儲多數年後，有足夠首期上車。為了實現上車夢，樓主跟女友每逢假期就會逛大型家品店，揀選心水傢俱：「每次逛IKEA，女友甜笑地跟我訴說將來蝸居間隔、佈局和擺設，還抄下各款心水產品的價錢同尺寸。」

樓主放負：「睇唔到將來！」

但是，樓主看到另一半對將來充滿期盼，自己卻感覺萬分無力。原因是樓主知道自己月薪過不到壓力測試，而居屋「抽獎」機會微乎其微，因此產生無力感，責備自己不能為女友付出更多。

樓主自覺「睇唔到將來」，內心同時掙扎：「之後5年繼續一起和女友逛IKEA發上車夢，延續她的期盼？或是放她離開，讓她跟有能力上車的男生交往？」

網民得悉樓主因逛IKEA而悲從中來，紛紛留言表達同情。有背景相似的網民留言：「背景同你類似，但係每次我講起對將來屋企裝修設計嘅諗法，女朋友都即刻end topic，話到時先算。」亦有人為樓主獻計，可由租樓入手：「唔通真係各自同屋企人住到40歲咩。」

網民突破盲點：IKEA令你有買樓動力

• 真係好灰，我都唔明點解香港人鍾意行IKEA
• 明知買唔到樓，做住「租租」先囉
• 我都好中意同男朋友行IKEA
• 兩個加埋都過唔到壓測？
• 好奇樓主搵幾多一個月
• 抽居屋有冇得諗？地方遠嘅200萬以下

「今日IKEA有很多蝸居範案，就像示範單位，每看一次，都很渴望自己能有這樣的一套房子，但每看一次，只會加重自己的無力感。」

現實派：移民解決問題，仲蝸居？

• 放過人啦！自己窮就算啦，仲要連累人
• 簽紙抽居屋囉
• 會唔會係你哋大想頭？
• 咁你放假都返工啦，仲行IKEA
• 香港人好得意，個個畢業就要講買樓
• 兩個加埋都過唔到啲話，真係要反省下

「一定要買樓先可以結婚嘅話，其實香港好多人唔駛結婚。」

網民批IKEA：一睇就知貧民傢私

網民討論愈演愈烈，網民更順帶評論IKEA產品的質素，為新手業主和租客添置傢私時提供另類參考：

• 貪佢又平又快壞，隔年可以換傢私
• 我都無買過IKEA，款又唔係靚，料又差
• 淘寶好過
• 一睇就知貧民傢私
• 啲傢俬用蔗渣板，輕飄飄咁，我就唔敢用

樓價破位前回軟

中原代理公布樓價指數回軟。最新中原CCL四大整體指數齊升4周後單周回軟，顯示樓價越迫近歷史高位，指數於高位出現反覆爭持。

樓價指數報跌反映美國聯儲局議息當周的市況，市場上有加息的利淡消息，影響樓價短暫波動。

新一期中原城市領先指數CCL報186.68點，按周跌0.90%；中原城市大型屋苑領先指數CCL Mass報189.63點，按周跌0.72%。

至於CCL(中小型單位)報187.11點，按周跌0.74%；而CCL(大型單位)報184.42點，按周跌1.76%。