張慧儀另一半要接受養子Hanson 方紹聰望搵多啲照顧智障家姐

方紹聰（奶仔）身兼監製及主持的J2節目《野外步出》系列，本周起一連3星期，推出第三季《野外步出3玩野加大馬》。

今晚播出的一集，奶仔大碌人情卡找來「怡保長腿女神」張慧儀（慧儀姐）擔任嘉賓。二人曾經合作過劇集《丫鬟大聯盟》，劇中慧儀姐演裘家二少奶，奶仔演裘家家丁。當時劇中演員不時舉行聯誼活動，所以頗為相熟。

慧儀姐講到當時入廠對奶仔的印象︰「第一晚就通宵，就係嗰晚認識你嘅，當時心諗『呢個後生仔咁多嘢講嘅』。」節目中，二人一開始便開心抱抱，奶仔提到劇集《真情》，竟先後兩次被慧儀姐「掌摑」。

節目尾聲慧儀姐與奶仔深情對話，她坦言對緣份持開放態度，沒有抗拒，但先決條件是能夠接受養子Hanson。現年19歲的Hanson因先天性心臟病，動過兩次手術，慧儀姐說︰「對收養囝囝我係無悔真心嘅，如果因為咁而妨礙啲男仕對我嘅追求，嗰個男仕唔係我要搵嘅人。」之後Hanson出現為慧儀姐送上一吻，令她非常開心。

奶仔提到「愛」並不只存在血緣之間，慧儀姐聞言有感而發︰「真愛唔係局限男女之間，我同我個仔係真真正正嘅愛，多謝佢畀我感受到世界嘅真愛存在。」

慧儀姐又指擔心自己老後囝囝乏人照顧，奶仔聞言身同感受，他透露因家姐患有輕度智障，目前住在匡智會提供的宿舍，他說︰「每一個星期家姐都會返嚟，我都會盡量同佢飲茶，因為宿舍啲嘢食比較清淡，所以每次佢返嚟我都會帶佢食好嘢。我哋得兩姐弟，都擔心將來老咗冇能力照顧佢。奶仔透露，希望多賺點錢，日後可以請專人照顧家姐。