臺北棧元朗新店！粉紅海藍漸變色裝潢/藍色奶奶麻糬/爆芝士松露蛋餅

新派台菜 Check In Taipei 臺北棧新分店剛進駐元朗 Yoho，於商場內開放式嘅餐廳設計十分吸睛打卡！以台灣這鳥國嘅海浪、山丘作設計元素，天花垂吊兩組 45 米長嘅紮染布，由巨人染 Giants_tiedye 人手製作，漸變海藍色加上波浪形修邊剪裁，染布於空中微晃飄揚十分治癒！

梳化椅卡座嘅弧線設計則像小山丘，整個空間由蔚藍變色至粉紅粉橙，洋溢着休閒寫意嘅氣氛，喺邊個位影相打卡都靚！

菜式特別加入此店獨家嘅款式，品牌最人氣嘅奶奶麻糬於此店變成淡藍色配合設計主題，以鮮牛乳及木薯粉製成、不加糯米粉嘅奶奶麻糬，特別加入蝶豆花製成此色調，可配 Oreo ($98)、粒粒花生 ($88) 及黑芝麻 ($88)，將麻糬挑起做出拉絲效果可以話係指定打卡動作，跟配料拌勻吃口感、味道都係享受。

甜品嘅新創作仲有瀑布芋泥豆乳奶凍 ($88)，以豆乳製作有 creamy 滑溜口感。伯爵茶凍芋圓配粉粿（$78），粉粿係台灣地道嘅甜吃，口感彈彈滑溜似啫喱又像愛玉，特別配上伯爵茶啫喱凍，吃這大大份嘅芋圓都唔會太膩。

鹹食嘅新元素也很多，鴨蛋蛋餅新口味加入松露玉米起司蛋餅（$98），捲着滿滿嘅起司及餡，配以松露味道嘅醬汁。另一變奏版係加入泰式風味嘅泰式肉碎生菜包蛋餅（$138），將蛋餅煎成薄片，加到生菜及配搭泰式肉碎。

台式蔥油餅披薩（$128）都係創作嘅配搭，將台灣風味嘅蔥油餅變成薄餅底，再鋪上芝士及台式香腸，餅底口感煙韌香酥。

大頭蝦冬陰功牛肉麵（$178）於牛脂湯底加入冬陰功嘅調味，可選配手工刀削麵或台灣寬粉絲

喜歡吃辣嘅可選，櫻花蝦麻辣魯肉飯（$78）微辣滋味與香腴魯肉好夾啊！

地址：元朗Yoho 形點 1 期地下 G002 號舖