林家謙日前出席昂坪360「多啦A夢」展覽活動，原來出席活動外，更同時拍攝廣告，穿上黃色經典上衣重現「大雄」造型，更與鄭子誠飾演父子：「呢條片又唔係扮大雄嘅，係講我同鄭子誠前輩嘅父子情，成個感覺都好溫馨呀？今次係我哋第一次合作，感受到對方嘅專業，學吓咩叫做『演技』。」
廣告（請繼續閱讀本文）
林家謙自爆自小已是動畫迷，常在家中唱兒歌：「入行後其實我未試過唱兒歌，睇怕都未必有呢個Market，我都冇Tyson Yoshi咁受學生『歡迎』，不過如果邊個咁大膽搵我都想試吓嘅。另外我都想試吓做電影配音，不過唔知可以聲演啲咩角色，超級英雄就肯定冇我份，我把聲都唔夠霸氣。」
廣告（請繼續閱讀本文）
當日林家謙趁機四圍封路後沒有人打卡。「平時呢度好多人，今日趁着拍廣告片周圍封晒路，可以靜靜地打吓卡！希望第時有機會嚟呢度拍下MV。」他又自嘲金魚記憶，希望靠法寶記歌詞，因此很想要「記憶麵包」。「其實我同胖虎都有啲相似之處，就係大家都好鍾意唱歌，不過細個嘅時候成日俾人彈唱歌唔好聽，當時我都好想好似多啦A夢咁咁受歡迎。」
廣告（請繼續閱讀本文）
扮演林家謙父親的鄭子誠，則大讚「兒子」專業，又搞笑爭認是林家謙的粉絲 :「佢唱歌點會似胖虎啊？我都好欣賞佢嘅歌，佢係好有才華同個人風格嘅唱作歌手！今次拍攝我話畀人知會同佢合作，不知有幾多姨姨羨慕，仲話想跟埋嚟見吓佢添，就知佢幾咁受歡迎！」