蔡思貝不愧為隊長，膽色過人。
無綫節目《不可能任務》第2季本周日（25日）晚播出的一集，6位港姐蔡思貝、謝嘉怡、邵珮詩、蘇韻姿、黃碧蓮、邢慧敏及兩名警「募」大使樂怡及Sharon繼續接受FRAC專業訓練。原來上一集的體能測試及瘋狂跑樓梯只是引子，真正戲肉是「三十層樓高高度測試」、「下降訓練」及「高架線訓練」。
廣告（請繼續閱讀本文）
畏高的碧蓮話只要一望到下面嘅景物，就已經驚到不得了。
8人之中以黃碧蓮相對較細膽，畏高的她還未爬出天台外牆已情緒激動、淚線失控，更不斷抖大氣，需即時終止訓練。不過在隊長思貝連番安撫及鼓勵下，碧蓮重新接受挑戰，其間雖尖叫連連兼一度跣腳險象環生，但總算完成任務。事後碧蓮受訪時坦言身處三十層樓高空望落地下時、感覺崩潰；相反思貝全程「快靚正」，並以滿分通過測試，她笑言：「我覺得自己好似一隻自由自在嘅鷹，所以我企喺嗰度好開心，唔捨得返入嚟。」
廣告（請繼續閱讀本文）
思貝不斷鼓勵碧蓮。
同樣難度極高的還有高架線訓練，除了膽量、更是體力與耐力的訓練，參與訓練者除了會整個人懸在半空，並必須依靠腹肌、大腿及手臂肌肉力量等，由一座大廈的天台爬向另一座。雖然同樣身處高空，但有了「高空測試」經驗打底的碧蓮已沒有再呼天搶地，雖然依然雞手鴨腳、降落地面時又整個人「撻落地」，但碧蓮依然表現積極、並以妙法鞭策自己：「唔好望下面，我一望下面就會死㗎喇！」即使全程表現標青的思貝，也慨嘆該項任務「勁攰」：「好似做緊引體上升咁呀！」
廣告（請繼續閱讀本文）
完成FRAC訓練後，8人小組轉移接受FSU提供的各項搜查訓練，當中以謝嘉怡表現最出色，近乎「百發百中」。
謝嘉怡