由雲浩影（Cloud）、吳家忻（Kayan9896）和蘇皓兒（Chloe），聯同郭嘉駿（193）、何啟華（阿Dee）及林德信（Alex）主演的Viu原創劇《同居少女諸事卜》將於「黃Viu」登場。故事講述於同一屋簷下生活的三位不同個性女生，所遇到的愛情問題，當中首次拍劇的Cloud更周旋在「初戀情人」193與「穩交男友」阿Dee之間，被喻為全劇的「艷遇擔當」。
廣告（請繼續閱讀本文）
「艷遇擔當」絕非易做，周旋在193與阿Dee之間的Cloud，在劇中有不少爆喊場面，Cloud亦坦言是很大挑戰。拍攝喊戲期間，工作人員為令Cloud蘊釀情緒，開拍前均保持安靜，氣氛一遍靜寂，拍劇初哥Cloud培養好情緒，埋位話喊就喊。
Cloud表示：「其實挑戰都好大，呢場戲唔係第一場喊戲，之前同阿Dee分手都喊咗一次。拍喊嘅MV就拍得多，但劇就係第一次，目前最大挑戰就係喊完之後點樣收拾心情，而家我嘅感受仍然好想喊，因為為咗喊戲，我回想一啲往事，而家我嘅情緒仲喺呢啲傷心往事入面。」
廣告（請繼續閱讀本文）
至於同劇另外兩位女主角Kayan9896與Chloe，雖是首次合作，就已經非常熟絡，不時有講有笑，Kayan9896表示：「我哋之前係網友嚟，IG互相Follow，今次拍劇終於深度認識，大家圍讀時都有啲緊張，傾傾吓發現原來呢個女仔好nice。」Chloe表示：「我哋有好多題外話，始終呢套劇講談戀愛、𥄫仔，所以我哋都有傾呢類話題，講吓自己鍾意嘅類型、以前啲對象點樣對待自己、以後應該點樣部署。」
廣告（請繼續閱讀本文）
Kayan9896直言難忘Cloud的喊戲，感覺揪心，而Chloe則表示難忘跟陸駿光演對手：「陸駿光飾演一個非常油膩大叔，佢時時刻刻都會對住我單眼、講肉麻說話，搞到我不斷要忍笑。」
