車Cam直擊︱貨車櫃門無關妥邊行邊甩 網民：可以一下「辦」死人 (有片)

貨車櫃門無關妥便開車時有發生，近日網上流傳一段車Cam影片，從中可見一輛百佳貨車在行駛期間疑未有關好右邊櫃門，導致櫃門不時會完全打開又合上，開門幅度幾乎可以阻擋右線車輛。幸好，在一分鐘的影片中，貨車櫃門並無撞到任何街燈、車輛和人，而車內的貨物亦無跌出路面，但係至到影片完結，司機似乎都仲係未發現櫃門無關好，繼續前進。

影片一出隨即引起不少網民討論，當中部份都認為櫃門無關妥非常危險「真係可以一下『辦』死人」、「可做危險駕駛 ?」、「最好掃到警車」。但是，有更多網民就認為跟在貨車車尾的Cam主，應在貨車停下等交通燈時，下車提醒貨車司機，「落車提佢嘛」、「淨係識指責」、「響安啦」；不過Cam主亦有解釋「有車提左佢，佢完全唔理」。至於櫃門最後有無關好，就無從得知啦。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)