早前被《東張西望》追訪而成為全城熱話的何伯何太,轉戰網上開直播、收網民課金。兩人日前(8月11日)在酒店以電腦開直播。由於何伯被網民質疑是「公屋富戶」,亦被證實在未加名情況下長住何太的公屋,房屋署署長羅淑佩表示會嚴肅跟進事件,據知上周五房署向二人發信,若何伯繼續居住在該公屋的話,就會再發出搬遷通知書。何伯近日無家可歸,兩夫妻惟有入住酒店。
網台「無糧軍師Water」昨晚(8月12日)出片爆料,指何伯何太昨日黃昏在天水圍一間酒店現身,在警察陪同下拖篋走人。昨晚,何太再開直播,指他們本來入住天水圍某酒店,但被「黑粉」投訴,繼而被酒店趕走。何太更要求與房屋局局長何永賢和房屋署署長羅淑佩對話。「我星期五已經同你啲房屋署職員傾好咗,遵從你哋order,從嗰日開始我老公已經冇再喺嗰度住,點解你仲要出一封信壓逼我?咩意思?想加害我定點?」何伯亦說:「我要求同局長談判!縱容下屬逼害市民!揸住雞毛當令箭!」
何太在直播中強調從上星期五起,何伯已再沒有入住該公屋,只是會回去煮飯食、洗衫、執行李等,全部有閉路電視為證。她透露日前已落單訂酒店,但卻被酒店取消。何伯表示:「我要香港政府聽到呢句!我哋訂咗酒店,佢話黑粉打電話騷擾!」何太:「佢意思話唔敢做你哋生意,你要退錢㗎嘛!」何伯續說:「你俾佢威脅住!香港政府咁嘅!俾嗰班人作反都唔理嗰班人?香港就嚟俾佢玩沉喇!」
何太大鬧房署職員「X街」。表示自己已忍無可忍,「房屋署做做下都亂嚟,我真係頂佢唔順!今晚我忍無可忍,嗰日星期五,你竟然咁決絕,你話最後一日,我都執行,嗰晚之後我老公都冇再喺嗰度瞓。」兩人表示這幾日花了幾千元住宿費,但卻因黑粉投訴而被酒店趕走。二人又質疑酒店問為何要報警:「發生咩事?點解要搵警察搞我哋?」、「你陀得支槍要盡職盡責喎!」。
何太在直播中遷怒於何伯,指他讓酒店地址曝光,令黑粉有機可乘:「次次都係你曝露咗先搞到今時今日,你仲未知死?」兩人表示將入住李嘉誠旗下的酒店,因相信李嘉誠這麼成功,不會被黑粉威脅到:「我要睇下香港首富會唔會俾你威脅得到!黑粉敢唔敢威脅人,未食過國家糧、皇家飯頂喇!」不過今日何太在飲茶開直播,表示「李生(李嘉誠)都唔做我生意」,她表示自己沒有所謂,可以每日住深圳酒店來回香港。
Counter-Strike 死返 大陸啦
08月13日08:04
Yan 最後先好笑
李生都唔做佢生意😂
08月13日08:04
Alex Chan 我要求何太同閻羅王對話~
08月13日08:14
Simpson711 你邊位呀?局長暑長見你😂
08月13日08:24
Ho 見到反胃
08月13日08:11
顯示全部