姚焯菲幻想自己拍拖會好甜 似足搞笑愛情喜劇

現年15歲的姚焯菲（Chantel）被封「國民初戀」，雖然是零戀愛經驗，但首支單曲《原來談戀愛是這麼一回事》便要談情說愛。Chantel日前接受商台DJ謝茜嘉（Jessica）訪問，Chantel透露自小很喜歡聽傷感情歌，被問到明不明白歌詞意思？Chantel直言「唔知嘅」，純粹覺得首歌好聽，便跟隨melody（旋律）去唱。
新歌要演繹戀愛心情，問Chantel如何代入，她說：「其實呢首歌冇乜嘢可以relate（聯繫）到嘅，要幻想下自己係畀人hurt（傷害）嗰個。啲歌詞又唔係太深，好多都幾現代化。」
謝茜嘉問Chantel與同學之間會否談論愛情？對愛情又有沒有幻想？她說：「冇乜，但會講電影或電視劇嘅情節，我比較鍾意睇美劇，但韓劇聽唔明，我又唔鍾意睇字幕。」最後問到如果像新歌歌詞一樣「幻想戀愛這回事」，Chantel會是甚麼類型的劇集女主角，Chantel直言：「應該係比較甜。同埋如果我係女主角嘅話，我覺得套劇應該會幾搞笑嘅。」
另外，原來Chantel兒時夢想是當老師，因為可以控制同學覺得好型；但後來見做老師的表姐要經常改卷太辛苦，最後都打消念頭。