林明禎甩底首映禮羅生門？王晶、梁思浩狂踩有前科！女神過往專業形象未受損？

上星期（6日）電影《手機見鬼》首映禮，女主角林明禎爆出因遺失護照而臨時「甩底」，事件軒然大波，激怒彭發導演直指「失望」！不過，林明禎竟突然在舉辦首映場外亮相，跟粉絲打卡，令事件出現羅生門，引起網民熱議。當以為事件平息，直至昨日（10日）導演王晶、梁思浩出席電影開鏡活動時，再次重提此事，梁思浩更狂踩林明禎有前科！不過，林明禎過往專業形象良好，多次被業界人士肯定工作態度，而且甚有觀眾緣，似乎未被兩位前輩批評而形象受損，大家都對今次羅生門事件半信半疑！

對於上星期電影首映禮失場未有站台，然而女主角林明禎於IG表示，自己因遺失護照而來不到香港；不過在首映禮舉行期間，女神竟在場外被市民野生捕獲亦有合照，看來跟她失護照的說法有出入，更令導演彭發嬲上加嬲！羅生門事件隨即引起網民熱議，反應好壞參半。

另外，有網民笑言是電影《手機有鬼》的宣傳技倆，只是「造新聞」而已，叫大家不要太認真！

林明禎過往專業形象良好，多次被業界人士肯定工作表現，更力讚：「紅係應份」。

延伸閱讀 >> 林明禎被MIRROR呂爵安公開追求後受批評！林明禎被MIRROR呂爵安公開追求後受批評！業內人士列5大事實為女神平反：紅係應份！曾合作導演亦力撐

王晶：我覺得佢唔重視嗰部戲

當以為事件沉寂了，昨日（10日）導演王晶、梁思浩一同出席電影開鏡活動時，似乎二人口徑一致。王晶接受訪問就事件表態：「成件事我覺得佢唔重視嗰部戲，如果佢好重視部戲佢一早嚟咗啦。（你覺得佢有冇講大話？）咁我又唔知啦，因為我唔識林明禎，我同彭發又唔熟，我唔適合俾意見。（如果發生喺你身上會點處理？）冇乜所謂啦，最多下次唔搵佢拍戲，我覺得冇道德。（一套電影宣傳女主角係靈魂人物！）當然啦，就好似《破·地獄》咁，黃子華和許冠文咁大卡士都走圍去宣傳啦，咁就係睇你重唔重視嗰部戲囉。唔係話你有一兩部戲得咗，就覺得好巴閉咁樣囉。」

梁思浩直斥邀明禎上節目冇回覆！

至於，同場的梁思浩似乎對林明禎失場不意外，直指她有前科！梁思浩向傳媒表示：「成件事我係企喺彭發嗰邊。大家應該都知而家做電影係幾咁艱難嘅一件事，而喺我立場係應該互相幫忙。於是我就同導演彭發講，不如上我主持嘅TVB個節目，順便幫電影宣傳，但要搵埋林明禎。大家傾好咗個日子前一定要落實，但喺限期前，電影公司就同我講，話一直都搵唔到林明禎，最後係唔成事。原定係今晚上我個節目，最後因為確實唔到最終都係告吹。其實無論電視同電影都係團隊嘅工作嚟，唔可以剩係顧自己，有啲嘢係要犧牲，大家要知道電影而家都好難，變咗今日我係捱住眼瞓出席，我前後40個鐘都冇瞓過覺，個狀態係好差但都要頂住。」

縱然林明禎備受兩位前輩批評，但不少人都對事件存疑，而明禎至今未有回應事件，希望事件純屬誤會，好快會雨過天青。

Follow she.com on Facebook & Instagram