事隔兩年,「子華神」黃子華趁住今個農曆新年就帶住賀年片《飯戲攻心》同大家見面,新片今日正式上映,影迷們最期待的當然是子華神在戲中又會爆出乜神級金句。過去子華神所爆過過經典金句多籮籮,由返工去愛情再到審美,字字珠璣,去到今日網民們都依然掛在嘴邊,今日小編就同大家重溫「20大金句」,大家又最記得邊一句呢?
愛情篇
1. 男人喺愛情上係要求新鮮,女人對愛情最大要求就係保鮮。
2. 你愛嘅,你得唔到;你唔愛嘅,你甩唔到。
3. 兒女私情,與其拖泥帶水,不如一刀兩斷。
4. 上帝創造處女,男人創造婦女。
5. 基本上男人係做到三個不,不主動,不抗拒,最重要我哋係不負責嘅。
審美篇
1. 你係醜,但醜係無罪吖嘛,但係唔知醜就罪大惡極喎。
2. 化妝就係你落咗妝,我仲認得你;你落咗妝,我唔認得你,嗰啲叫做喬裝。
3. 一件豬扒,減肥,就係一件瘦扒,一件瘦扒就係比豬扒更唔開胃嘅扒,係咪?
4. 唔係猛龍唔過江,唔係豬扒唔化妝。
5. 人哋扮靚係越扮越靚,唔係越扮越囉命吖嘛!一篤牛屎插朵花,始終都係一篤牛屎,你明唔明呀?
人生篇
1. 人類嘅終極理想都係不勞而獲,你呢種態度呢,係一個好正常人嘅態度嚟㗎!
2. 我唔會眼白白睇住你跌落火坑嘅,我會合埋對眼。
3. 若要人不知,唔好太低B!
4. 尊嚴幾錢啊?在𠵱家粗鹽都貴過尊嚴。
5. 錢唔係問題,問題係冇錢。
打工篇
1. 畀份糧你,一半係畀你要嚟做嘢,另一半係畀你要嚟受氣嘅。
2. 每一個上司都係冇料㗎喎,如果唔係就唔使請下屬啦,做下屬嘅就係幫上司做晒佢哋唔識做嘅嘢。
3. 我覺得講得出「我好鍾意返工」呢句說話嘅人,一定係鬼上身。
4. 我有一份工……叫做陰工。
5. 點解公司要出糧畀我?唔係因為公司得到啲咩,而係我喪失咗啲咩,所以嚴格嚟講,你每個月底畀我嘅唔係糧,而係賠償。
º 佢係哲學出身
所以每句嘢唔係亂噏
係有point嘅
2022年02月03日10:59
車神 為咗下一代 唔好有下一代
2022年02月03日11:24
咬蔗的老野(Prime) 句句都十幾年歷史,近呢十年真係回晒塘
2022年02月03日12:30
ALAN_VC 👍🏻
2022年02月03日14:48
心太亂 嘩眾取寵,我都比句金句你,你以為自己係神,其實你係棍。🤣🤣
2022年02月03日20:57
顯示全部