網民票選香港10大死寂商場 冷清零人流＋陰氣重 總有一個喺附近！

香港商場就一向都多，但原來未必個個有人知同有人去！連登討論區網民就發帖討論，問大家「一人一個死場（無人流的死寂商場）」帖文隨即吸引大量網民討論，並票選出10大「死場」，當中不少商場在以前都曾風光一時，現時卻變成無人問津，連旺區、地鐵站附近都總有幾個無人去的商場在附近，一齊睇吓有無你心目中嗰間商場啦！

網民票選香港10大死場 總有一個喺附近！

冷清零人流＋陰氣重 荃灣海濱廣場／佐敦恆豐／龍珠商場

1.佐敦恆豐商場

恆豐商場地段位於彌敦道黃金地段，地鐵站直出就到，但網民就認為「次次行過都覺得好大，好似好多嘢行但又無乜人行」、「food court lunch幾旺，但啲鋪頭無咩人行。」

2.佐敦廣場

佐敦廣場座落於人流絡繹不絕的佐敦道，但卻是為人知名的「市中心死場」，商場樓高4層，現時除了地面層外其他都已經封閉。被網民嘲諷「可以入去打喪屍」、「應該喪屍都唔入」、「有喪屍嘅話可能呢到最安全」等。

3.荃立方

另一個死場位於荃灣海壩街，場內分拆成過200個「蚊型」單位出租，但人流被網民認為不甚理想，稱「我住喺荃灣咁多年都真係未入過荃立方…（雖然成日會去佢對面街市買餸）」

4.荃灣海濱廣場

說到荃灣當然要提埋另一個知名死場「荃灣海濱廣場」，現時已經全面封閉。海濱廣場全盛期為1990年至1997年，曾經擁有電影院海濱戲院、佔地3層的永安百貨等，在1997年後經歷金融風暴，不少商戶撤離海濱廣場，發生大量凋空的情況。另外因為廣場位於墳場附近，加上多年來的鬧鬼傳聞，於是成為「死場大佬級」的存在。

5.新田購物城

新田購物城於2018年正式開幕，在2021年8月時，才短短3年就已經結業，佔地42萬平方呎，當時號稱是主力服務內地旅客，但開業後一直冷清，再迎來疫情等挑戰，儼如廢墟最終結業，網民笑稱呢個是「真正死場」。

6.龍珠商場

龍珠商場位於九龍城，是不少當年中小學生的回憶。網民指「當年都係中小學生蒲點，動漫遊戲AV都有，而家真係唔知仲有乜。」、「聽講以前係機迷聖地，拍得住深水埗黃金，自從機場搬走咗，成個九龍城都做唔住啦。」

7.沙田偉華中心

偉華中心最為人深刻的印象就是在百佳旁邊的「以色列哭牆」，網民指「嗰度次次行都諗緊嗰啲係咩設計」、「行親都覺得好詭異同恐怖」、「搞到陰陰沉沉，似風水野但又以色列」、「好似一行入去就會詛咒纏身」。

8.天馬苑商場

有住在天馬苑附近的網民表示，天馬苑商場「近乎無嘢咁濟」、「我第一次入去個陣以為自己入咗靈異空間」、「我嗰陣講咗句「新起嘅？定未裝修？全部都係鐵架咁嘅？」直指是因為上上手議員留低的蘇洲屎。

9.深之都

深水埗深之都是知名的劏場，3層的商場裡活躍的商戶不多，最多的幫襯的就只剩一間出名的手提電話店、電視店、找換店。

10.尖沙咀iSquare

有網民提出尖沙咀iSquare也是死場之一，除了睇戲根本不會入去，「主要太細，自轉一圈已經睇晒啲鋪，啲人淨係搭電梯。」有人解畫「因為塊地細，每層都得好少舖頭，又要夾硬起到勁高，不停氹氹轉行到頭都暈埋。（朗豪坊、The One、希慎廣場、iSquare⋯⋯幾乎所有新商場都有呢個問題）」

原文刊於新假期Weekend Weekly