林俊傑紐約騷竟然派周深應援螢光棒　揭超離譜原因

新加坡天王林俊傑（JJ）最近搞世界巡迴演唱會，日前嚟到紐約站，竟然因為應援螢光棒而成為網友焦點。有網友反映林俊傑紐約演唱會派嘅螢光棒，上面居然寫住「周深世界巡迴演唱會」，仲寸爆道：「林俊傑你有點摳（孤寒）了」引起爭議。

不過好快就有粉絲幫手解釋，原來係林俊傑演唱會嘅專屬螢光棒被執法部門扣起，所以先會派發其他螢光棒，JJ仲派每個觀眾都送餐飲代金券以作彌補，而且現場分發嘅螢光棒都冇專門刻上其他歌手嘅演唱會文字，而今次瘋傳嘅周深螢光棒，則係發文者自己帶入場或誤傳，點知會被網友注意到，引發事件。

東網網站 : https://on.cc/東網Facebook專頁 : https://www.facebook.com/onccnews/