J2節目《開卷》由林溥來（Patrick Sir）、何泳芍（Honey）、布樂文JB、伍韻婷及涂毓麟（Oscar）主持。今晚（14日）播出第60集的《開卷》，Patrick Sir介紹一本名為《權力世界的叢林法則》的書，內容主要教大家如何以非一般手法，在辦公室及商業世界生存，風格頗為暗黑，包括「不要太信任朋友，要學懂利用敵人」、「利用缺席來提升地位和名氣」及「讓別人幫你做事，但聲譽就自己領取」等。
廣告（請繼續閱讀本文）
談到相關法則，Patrick Sir語重心長表示：「朋友係好容易妒忌你。」語畢即憶述當年如何遭好朋友出賣，說時更疑眼泛淚光，Patrick Sir說：「我以前有個教育中心，我有個非常好嘅朋友，佢真係『翹』起我。我記得係我邀請佢加入，佢當時冇嘢做，但我邀請完佢之後，佢走去撬我啲學生，帶埋啲人走，係我最Friend嘅朋友。」
Patrick Sir當看到「妒忌論」時，當下更有猶如刀割的心痛感：「後尾我知佢係妒忌，因為佢覺得好多人鍾意Patrick Sir，明明我喺背後做咗好多工夫，令到補習學校有多啲生意。」他又透露當時因有小人介入加鹽加醋，令朋友更覺不甘心。
人生經驗豐富的Patrick Sir，又分享如何提防「精人出口，笨人出手」困境：「公司有啲人對個制度有啲不滿，佢就會向我講，然後想借我把口去講。」他分享自身的抵死獨門提防大法！
廣告（請繼續閱讀本文）
當4位主持討論「學會讓人依靠你」法則時，Honey大表認同：「我同啱啱入行嘅朋友傾偈，例如你想有啲福利，但係你要去到一個位，啲人唔可以冇咗你，咁人哋先會就你。」Patrick Sir將有關理論延伸至兩性相處 ：「我都成日同好多女人講，你做老婆想個老公唔出軌，你要令到佢冇咗你唔得。」
（即時娛樂）