姜濤、Edan洛杉磯現場睇NBA圓夢　Stanley：好近、So happy

MIRROR近日忙於在美加展開巡迴演唱會，各成員都爭取時間在當地遊覽，而籃球迷姜濤、Edan（呂爵安）和 Stanley（#邱士縉）和音樂人徐浩就得到VIP門票，在洛杉磯超近距離現場欣賞湖人對木狼的NBA之戰。

姜濤在社交平台發文：「Amazing night~終於來到小時候夢想的地方了，感恩一路上的緣分～（感受到大家平時應援和叫我們名字喉嚨的痛）」Stanley就分享多個現場直擊的IG story，又分享其他帖文寫道：「好近」、「So happy」、「淨係見到AD一陣」。

Edan就在社交平台發長文，寫道：「Dream comes true。有留意開我嘅應該都知我人生其中兩樣最鍾意做嘅嘢就係打機同打波，而我最愛嘅球星就係Kobe Bryant，亦因為佢我由中學開始一直都係Lakers嘅死忠，所以去LA現場睇一次Lakers主場嘅球賽一直都係我嘅夢想。今次咁難得嚟到美國幾個地方開concert，一路都打聽緊有冇機會有空閒嘅時間可以睇到波，就算唔係Lakers都唔緊要，睇其他隊都好，因為真係未試過喺現場睇。」

「點知真係咁啱夾到喺LA睇到Lakers，真係開心屎。同埋Lebron都應該打多幾年就冇了，都想親眼一睹下佢嘅風采。去之前其實我哋已經有講笑，會唔會Lebron唔打，但我哋「專業」分析過後，覺得呢場對湖人重要（影響playoffs），所以應該都會打嘅，點知。。。。。。。佢真係咁啱病咗。好！唔緊要！仲有Anthony Davis睇！點知。。。。。佢打一節就傷咗。」

「Omg黑氣石牙牙牙牙牙。不過好彩我作為湖人死忠，睇到D-LO, Austin Reaves, Rui Hachimura都好開心了，Darvin Ham就…..長期擋住我哋視線（其實見到Anthony Edwards&Gobert都開心）所以就算輸波，同埋成個第三節俾個保安禁止返位。Overall都真係超開心！！可以咁近見到NBA球星喺面前打波真係好癲喪，希望下次可以再嚟睇Lebron!!Curry都想睇！佢哋都進入生涯尾聲，唔知仲會打幾耐，所以唔可以俾自己後悔／留下遺憾（冇睇過kobe絕對係人生遺憾…）Wait me!!!!!!」