香港停車錶位不足的問題都已經討論了多年，不過問題就從未解決。近日一名網民在Facebook群組「泊車優惠及收費情報區」內發帖，圖中可見一家店舖外的咪錶位疑似被霸佔，錶位上放著晾衣架及椅子等物品，不過網民看到圖片後竟反勸事主包容及睇開啲？
停車咪錶位疑似被惡意霸佔 車主發帖公審！
正所謂「一錶難求」，網民在Facebook群組「泊車優惠及收費情報區」內以「而我不知道錶標位是咁用的」為題發帖，貼出了一張在洗車店門外的照片，圖中可見咪錶停車位上擺放了晾衣架及椅子等物品，疑似是用作霸佔咪錶位之用。
廣告（請繼續閱讀本文）
廣告（請繼續閱讀本文）
網民反勸包容：舖位本身可能係…
對於洗車店霸錶位一事不少網民都見怪不怪，「佢算好，霸一個位」、「霸一個位算係有良心，好多霸5-6個位真係CLS」、「香港四、五十年來都係咁，零進步」，怒轟「香港咁多年都係咁架啦！報警差人只識抄牌，有雜物就推俾食環，阻街霸地就推俾地政，法例只係比守法怕事嘅人用，同有錢人用來欺凌貧窮百姓手段，與其諗住打999有幫助，不如打東張西望熱線好過」。
廣告（請繼續閱讀本文）
不過也有眼利網民看到圖中一些細節，洗車店招牌後藏著一個「髮」字，於是有網民猜測洗車店前身是髮形屋，但因為最近防疫措施髮型屋不能營業，才變陣為洗車店，勸事主「睇開啲，人哋都係要一個位做生意啫，呢排環境對好多人嚟講都好難捱」。最後網民就呼籲最好不要泊進這個位，否則被「簽名」（即刮花車身）都無仇報。