Häagen-Dazs雪糕最近密密推出新品，完全捉緊香港人貪新鮮嘅心態，剛剛踏入秋天，佢地就急不及待推出全新季節限量嘅口味，將日式和風與意大利甜品揉合，究竟兩者夾唔夾呢？
廣告（請繼續閱讀本文）
以前麻糬雪糕只在日本有售，但去年起Häagen-Dazs就將它帶到香港，仲不時推出限定口味。今個秋冬就推出咗兩款口味：
「忌廉芝士麻糬雪糕」：忌廉芝士香氣好濃郁，仲有少少似食緊入口即溶嘅芝士蛋糕，配埋煙韌麻糬更有口感。
廣告（請繼續閱讀本文）
「意大利芝士餅麻糬雪糕」：味道比忌廉芝士味更濃厚，同tiramisu味道好相近，有淡淡咖啡味，而麻糬就中和返意大利芝士餅嘅甜味，夾埋一齊食就啱啱好。
總括而言，兩款芝士蛋糕口味雪糕同麻糬幾夾，味道有驚喜，較適合嗜甜嘅朋友。現時在各大便利店及超市有售。兩款口味均是期間限定，各位雪糕控仲唔快啲去試！
廣告（請繼續閱讀本文）
