收工去居酒屋啤一啤，告別勞碌嘅一天～日本人就最懂呢種風雅！
雖則我係荃灣返工，不過我好多朋友都喺銅鑼灣上班，所以成日收工都會過去同佢哋聚聚！昨晚經過Midtown，發現呢度開咗間全新嘅居酒屋「Nami 浪」！門口掛滿紅白燈籠，裝潢以深啡木及黑木構成，加上櫻花及江戶祭典主題牆畫，整間店都洋溢住熱鬧嘅居酒屋風情，心思思就同朋友入去試試！
作為聚腳點，呢度確係唔錯，環境夠大，座位好坐，價錢亦合理，最緊要仲有大量嘅清酒可供選擇！（作為居酒屋，酒一定係最重要環節！）
✦ Nami浪清酒（720ml）HK$580
Nami提供來自日本各縣嘅Sake，好似武藏男山、仁井田自然酒、鈿女天女之舞、安芸虎土佐錦……更有自家酒「浪特別純米」，今次我就試試呢款！個人喜歡佢質感温潤，微甜帶回甘，好易入口，配烤物一流！
✦ Nami壽司 HK$168
另外，我跟朋友亦點咗一系列壽司、燒物及天婦羅！當中最推薦就係Nami壽司！入面有魚子醬、海膽、三文魚籽、玉子，加上飯與紫菜，用料超豐富！一啖放入口，各種食材嘅鮮味喺口腔交織，令人一試難忘！
✦ 原條鰻魚丼 HK$188
令我印象難忘仲有蒲燒鰻魚飯！係原條鰻魚直上！勁厚肉，平均約1cm厚、差不多有我一節手臂咁長！食起上嚟啖啖肉！真心勁足料！
✦ 吉列拼盤 HK$198（部分食材會按時令改改）
天婦羅方面，我揀咗海鮮什錦天婦羅，一盤入面有大蝦、肥蠔、沙追魚、魷魚、茄子、蓮藕及舞茸菇等等，非常豐富！邊飲清酒邊食炸物，成件事真係好幸福！
✦ 火炙蔥吞拿魚腩 HK$108
最後一道菜都令我好難忘，就係燒吞拿魚壽司！店家會提供一盤紫菜、醋飯、生蛋黃及碎吞拿魚，即場用火槍炙燒魚肉。然後就可以按個人喜好包壽司！好似我鍾意蛋，我就勁鍾意喺醋飯中加蛋液，之後包上紫菜及一格魚肉食，大啖吞，正正子！🤤
P.S. 而家Nami做緊新張優惠，到店內消費，登記做會員即送清酒一合！鍾意品酒嘅朋友一定唔可以錯過啦！
📍店家IG：@namiizakaya.hk
★－:+:－:+:－:+:－:+:－★
🎡味道：4.5
🎠環境：4
🎪服務：4
🕌CP值：4
（*5為最高分）
★－:+:－:+:－:+:－:+:－★
◌ 浪．居酒屋
◌ 銅鑼灣登龍街1-29號金朝陽中心2期Midtown1樓
★－:+:－:+:－:+:－:+:－★
🎀 記得like埋我，每日放送打卡好去處！📸
www.facebook.com/daydaycheckin
www.instagram.com/daydaycheckin
💗ᴿᵉᵃᵈ ᴹᵒʳᵉ