大家都知去到日本買化妝品會買得好過癮，例如有又多選擇又唔易失手嘅眼影啦，包裝精美之餘又可以幫你提升可愛度嘅胭脂啦，仲有各種可以令雙唇變得「可口」嘅唇膏……啊係喎大家係咪冇咁留意睫毛產品呢！小編雖然唔係成日都有用睫毛產品，但有時幫耷耷哋嘅眼睫毛扮下靚靚，真係當堂覺得對眼大咗好多，大家都快啲嚟睇下去日本旅行時可以留意下有咩睫毛產品可以入手啦！
excel Spring Power Curler
獨創 39mm 超廣角同針對亞洲人嘅弧度設計可以完全貼合眼型，連眼尾嘅短小睫毛都可以夾得非常翹！加上特殊彈簧嘅彈力，無需用力，只要輕輕一夾就可以令睫毛捲度再升一級。略嫌不滿嘅係睫毛夾本身形狀唔太方便收納，要放入化妝袋帶出門有難度。
容量：--
零售價：800 日圓 （含稅 864 日圓）
入手價：800 日圓 （含稅 864 日圓）
小補充：另有替換膠出售，一包 2 個售 150 日圓（含稅 162 日圓）
ettusais Lash Version Up
2017 年 @cosme 大賞睫毛 base 部門 No.1！屬於少見嘅黑色睫毛base，相較同類型產品，無論係速乾性、持久度定係捲翹度都屬最高水準。特別係由於佢嘅重量較一般base輕身，唔會將睫毛壓垮，維持捲翹度效果一流。加上本身係透明黑色液狀，只要重複掃上就可以達到增長濃密嘅效果。
容量：6g
零售價：1,000 日圓（含稅 1,080 日圓）
入手價：1,000 日圓（含稅 1,080 日圓）
小補充：加入透明質酸及精胺酸等保濕成分。
SHISEIDO Eyelash Curler 213
弧度同幅度根據亞洲女性睫毛設計而成，能夠完全貼近眼部線條，連最難夾到嘅眼尾同眼頭睫毛都可以輕易變得捲翹，就算清淡眼妝都魅力過人！對香港女仔嚟講算係適合率特別高嘅一款睫毛夾，只要順著佢嘅弧度使用，就算睫毛較短也不會夾到眼皮。
容量：--
零售價：800 日圓（含稅 864 日圓）
入手價：639 日圓（含稅 690 日圓）
小補充：另有替換膠出售，一包 2 個售 100 日圓（含稅 108 日圓）
D-UP Eyelashes Fixer EX552
假眼睫毛稍一移位就會即刻變成災難！點算好？ D-UP 嘅眼睫毛膠水防水、防汗且黏力強勁，即使用力拉扯都唔易移位，假眼睫毛維持成日都唔怕脫落！使用方法好簡單，喺眼皮塗上膠水後等幾十秒，乳白色膠水會風乾變透明，跟住黏上假睫毛就可以㗎喇。
容量：5ml
零售價：900 日圓（含稅 972 日圓）
入手價：797 日圓（含稅 860 日圓）
小補充：使用醫療用接著劑，唔會對肌膚造成負擔。