46歲的吳綺莉，與女兒吳卓林關係愈走愈遠，前年卓林脫離母親出走加拿大，粒聲唔出與外籍同性女友Andi 婚都結埋，之後返港定居與妻合組多媒體公司，搵唔到食更淪落住劏房，冇錢交租窮途末路，最後都係吳綺莉出手相助。
撰文、圖片：東方新地
吳綺莉懶理阿女失蹤 新抱狂辣仔
吳綺莉日日望女歸，給卓林的短訊全部已讀不回，近半年更失聯，心傷母靠養貓、種植及畫畫打發時間。近年多次傳出卓林與Andi婚變，而Andi在社交網只post三五成群的照片，繼續游手好閒狂玩，卓林行蹤卻成謎。阿女執迷不悟，新抱又不事生產，吳綺莉冇眼睇惟有寄情工作，開拍ViuTV新劇《太平紋身店》前，單拖去南灣操水，想搣甩因疫情暴食而增加的八磅肥肉，自強不息。
吳卓林離家後，吳綺莉情緒一度受影響，花了一段長時間才走出谷底，再次投入工作，而卓林近半年再沒有公開露面，不過老婆 Andi就依然活躍於社交網，繼續吃喝玩樂遊戲人生，與卓林拍拖前 Andi已有親密男友，而她亦一直 keep住與不同異性過從甚密，在其 IG內有不少親密合照，可見 Andi婚後辣仔本性不改。
卓林甘做人肉提款機 吳綺莉鐵下心腸經濟封鎖
據知情人士透露：「盲嘅都睇到 Andi當卓林係人肉提款機啦！一冇錢去玩就叫卓林諗方法，但自己就乜都唔做，不過一個願捱一個願打，卓林覺得冇問題先係問題，佢信晒 Andi，Elaine（吳綺莉）講咩都唔啱聽，依家除咗錢，兩母女真係冇偈傾。近半年 Andi成日同班朋友出去玩，當中梗係有啲係佢嘅兵，不過卓林信佢哋冇嘢，真係中毒太深。」吳卓林的同性婚姻一直未被看好，吳綺莉更對 Andi恨之入骨，認定對方接近卓林是有計劃有目的，不過盲目的卓林非常維護妻子，更曾表示
要努力工作讓 Andi過好的生活。
吳綺莉操水自強為新劇《太平紋身店》做準備
為了令女兒回頭，吳綺莉更鐵下心腸經濟封鎖，希望假以時日 Andi未能得逞知難而退，而她現在就積極人生，等卓林回頭是岸。早前她出席 ViuTV新劇《太平紋身店》開鏡活動，未有回應關於卓林的提問，只想專注工作，並謂近月因疫情暴食關係肥八磅，要努力操弗見人。開拍前吳綺莉真的動身到南灣泳灘游水，手腳修長的她雖然有個小肚腩，但未至於肥豬王級別，46歲其實仲見得人呢！