網上熱話｜內地客拍片指九記牛腩收銀「唔講多謝」　被諷：爭在你幾廿蚊？

一句多謝有多重要？有內地女周二於社交平台「小紅書」發文，指中環九記牛腩職員態度惡劣，控訴結帳時收銀阿姐「多謝都無一句」，遂拍片公審。「這個收銀阿婆態度特別惡劣，服務差，買單嗰陣多謝都冇一句。我哋話下次唔來，走嗰陣鬧人話拿啲錢買藥食，一把年紀仲咁大火」。該內地女更指，「阿婆食餐嘢啫使咩咁勞氣，為自己嘅口積福啦！我驚你買藥畀自己食啫！」。

收銀阿姐：爭在你幾廿蚊啊？

從樓主上載影片見到，內地女與同行男子以「半鹹淡」廣東話，站在店舖外與收銀阿姐對罵，收銀阿姐見其拍片，諷指：「吓，上網鬧多啲啊！」，之後便淡定低頭吃麵。男子尚不罷休，批評：「祝妳好生意仲唔好啊？多謝都無聲真係」。收銀阿姐回應謂：「好恨你咩？好生意，爭在你幾廿蚊呀？」男子則怒斥「衰X格」，惟旁邊員工和食客不為所動。

貼文一出，隨即引起熱議，不少網民認為內地女小題大造。「咁小事都拎出嚟講」、「五星級服務去酒店啦」、「你講嗰個阿婆好似係老闆娘嚟架喎」、「佢應該真係唔志在你嗰幾廿蚊」；亦有網民稱，「香港餐廳大多數都係咁」、「今時今日咁嘅服務態度真係唔得」、「畀錢買難受」。據了解，該內地女現已刪除相關貼文。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)