鄧麗欣東方昇為婆婆執垃圾屋　惡劣廚房現死老鼠 網民讚有愛心

凍齡女神鄧麗欣（Stephy）為志願團體「點滴是生命」任大使多年，日前與網紅東方昇，接受任務，為有囤積問題的婆婆清理家居。現場環境衛生情況惡劣，還發現死老鼠，但Stephy仍「落手落腳」幫忙執屋，獲網民大讚。

Stephy要清理的單位，垃圾堆積如山，她甫入門口已感到十分震憾，驚問：「真係入到？」、「我諗我哋真係低估咗。」東方昇更形容：「屋裏面有山嘅感覺」。

屋內不單有「千年光酥餅」、已發霉變綠色的湯，當兩人執拾廚房的雪櫃時，更發現內裡所有東西都已發霉變黑，義工還拾到不只一隻老鼠屍體。

Stephy與東方昇由早上10時執到下午二時， 雜物還未清理完，Stephy坦言雜物比她想像中多：「對我來說，最大挑戰就係廁所。因為廁所嘅狀況好差，可能婆婆其實好耐好耐已經入唔到去，清理唔到。有好多積水，有少少異味。」

東方昇邊將一袋袋垃圾掉到垃圾站，邊表示，以為Stephy有份參與，應該任務簡單，但原來並不簡單。

Stephy 還與婆婆談天了解她的狀況後，得悉婆婆以往一直同媽媽、哥哥同住，後來因家人相繼離世、入住老人院，只剩下婆婆獨居，便漸漸開始不受控地購物、囤積。Stephy 表示：「社工同我哋分享，過往亦遇過同類個案，但好多時事主需要嘅係見到改變嘅可能，當有人為佢踏出第一步、清潔好家居，佢哋就會有動力好好保養屋企。呢個亦係今次行動嘅意義所在。」

不少網民看過片段後，均表示佩服Stephy、東方昇及其他義工，又大讚Stephy 有勇氣又有愛心：「堅揪」、「大家一黎就行動，冇猶豫冇扭擰，真係respect 」、「對stephy 改觀，肯落手落腳幫手清😍女神」、「你哋好有愛吖」。