🤔相信唔少人都鍾意食麵包舖既麻糬波波，煙韌得黎又香口，仲有好多唔同嘅味道😚，無論早餐同下午茶食都好適合。我自己都好鍾意食😚尼排係instagram就見到好多人share尼間麵包舖嘅麻糬波波，見到佢地share真係好吸引，仲要有菠蘿皮🤤 所以我都mark低左，有機會去試下，今次咁啱經過銅鑼灣，所以就順便去睇下🥰
‼️點知一去到，隊尾就已經去到垃圾房😵💫。佢地大概20-30分鐘出一盤，而且味道係隨機，可以買到既味道真係好睇運氣😓每人限買6個，而今次我地係排左差唔多兩個鐘之後，終於可以買到😟。今次嘅味道有抹茶，伯爵茶，原味菠蘿，芝士同原味。
🤨排得咁辛苦，究竟值唔值得呢？我地就買完趁熱即刻食左一袋，即刻同大家分享下我地既感受🙃
🤪味道方面，其實整體都係預期既味道，味道唔係話特別出，但你問我，好唔好食？我會話，係普通好食嘅味道，係其他舖頭都可以搵到嘅味道🤔。抹茶，伯爵茶同原味菠蘿都有一層菠蘿皮覆蓋住，都算足料，一出爐食就好脆，味道就係香港菠蘿包嘅味道😚。但攞到返屋企已經唔脆🥲，所以好建議即出爐就食。甜度正常。原味同芝士，都係想像到嘅味道，我個人比較鍾意芝士嘅鹹香味🥰。
雖然佢好似一個唔係好貴🤔，望落好似手掌心咁大，但其實佢比較薄身，1cm都無🥺，但都係煙韌的。但我見佢地ig影到好似有厚度咁🥲我自己就比較鍾意好似一個波咁，口感會再好d, 依家好似咬緊塊燒餅咁🥲所以小資女黎講，我可能寧願用$10買個包食🤣
🤔整體黎講，係好食，如果係我屋企樓下，我會成日買返去食，如果係同區，我可能會間唔中經過會想買，但唔會特登走去買
🤣所以今次排咁耐，都算係一個體驗嘅，但真係無謂排咁耐😵💫佢地其他嘅麵包都係偏貴🙈
‼️$15/2個 $8/個
原味
原味菠蘿
‼️$10/個
菠蘿皮抹茶
菠蘿皮伯爵茶
芝士味QQ
下次同大家分享一間我好鍾意嘅麵包店😚
📍James Bonbon Bakery (銅鑼灣)
銅鑼灣邊寧頓街9-11號登龍閣地下C1號舖
▼ Follow we2log
