Lolly Talk數字系列嚟到第十部曲，以全新曲詞陣容，創作出一首講依八個女仔故事嘅感人作品。
「跌倒的瞬間 擂台上面 離開打輸了 尚餘十秒正」
歌詞以拳擊倒下十秒等於落敗做主題，進而講人生同追夢。
一生中總會遇上失敗與挫折，可能依刻睇唔到希望，沿途更會受到別人冷嘲熱諷，彷似面對絕境。不過，只要有一顆永不放棄嘅心，保持熱情，靠意志堅定地走下去，盡力撐到最遠，將每次失敗化為前進動力，你就會變得更強大，終有一日能夠達到目標。
「別氣短 來重拾 你身體 碎片 砌更頑強的你 別為無力心酸」
勵志以外，依首作品仲唱出Lolly Talk出道兩年入面嘅經歷同感受。由造星路上唔太如意，從零開始一步步努力，把握每個機會，用作品吸引樂迷。到今日收穫唔錯嘅成績，譜寫自己嘅精彩故事，實在得來不易，佢地正正係追夢成功嘅最好證明。
歌詞結合LT自身經歷，鼓勵大家對抗逆境時要拼盡全力，多辛苦都好，只要硬著頭皮，永不言敗，捱過就會見到另一片天。
「能撐多遠 多不死心 就撐得多遠」
而MV好似帶住粉絲去一趟畢業旅行，再一同重溫兩年來嘅歷程，充分感受到彼此深厚友誼同愛，配上真摯又充滿感情嘅演繹，非常感動。
「你最迷人的性格 源自你 被擊倒 的那天 起身再戰」
Lolly Talk轉眼間走到第十首作品，當中涉足不同風格、題材，每首都相當有質素。成員間嘅團結更相當可貴，青春熱血地為夢想揮灑汗水淚水，真正做到以一點連成一線。八位各方面嘅進步亦有目共睹，開始搵到團隊方向，有幸可以見證依個過程，一齊同佢地成長。
《數到十》為十部曲旅程畫上一個短暫句號，同時係一個新開始，係時候尋找更多可能性，繼續向前進發，期待佢地嘅新發展！
「但每個絕境 是讓你我 突顯出 多艱苦 尚有激情 人應該好勝」
最後，如果你今日正面臨低潮，感到事事不如意，記住無需氣餒，只要不忘初心，堅持努力爭取，成功就在不遠處。
《數到十》Lolly Talk
作曲：吳林峰
作詞：黃偉文
編曲：Goro Wong
監製：Goro Wong
「能撐多遠
多不死心 就撐得多遠
沿途被 壞蛋所擊倒 既然難免
(你尚有權 反撲 逆轉)
若然未數到十
仍能被你 一秒扭轉
那 燎原火勢
是 來自一閃
(暫時是一點 再連成一綫)
完成夢裏 動人場面」
▼Follow hkpopculturelover
Instagram: https://www.instagram.com/hkpopculturelover/