香港地，打份牛工朝9晚絕對不能6收工是常識吧。好多情侶都因為要返工的關係，令到拍拖時間都只能停留在放假。不過有一名港女的男友為Big 4公司的核數師，忙就一定，但就算是大時大節，他都會忙到成個人唔見埋，最後事主竟然發現驚人秘密！
核數師男友每逢大時大節即失蹤！
事主用交友app認識到前任男友，職業為Big4的核數師。事主就指兩人初期拍拖會見得比較密，慢慢變成兩星期一次，之後誇張到變成一兩個月先見一次，唔講以為「Long D」。而事主男友亦要「24×7」地不斷工作，就算節日也未必有假放。
廣告（請繼續閱讀本文）
男友：「喺Big 4做Audit係咁㗎啦！」
廣告（請繼續閱讀本文）
而事主男友的口頭禪：「喺Big 4做Audit係咁㗎啦！」都經常掛在嘴邊，而大時大節就算事主想等男友收工再慶祝，但男友都會以因為忙到不知幾時收工為由去拒絕事主。曾試過聖誕節突然人間蒸發3日，之後更連WhatsApp去keep住傾計也變得困難。
廣告（請繼續閱讀本文）
意外發現男友已是人夫！
這段感情維持了4年，直到有一次事主要做伴娘的關係，所以陪好朋友前往婚禮商場去睇婚禮相關的用品。最後在一間負責婚攝服務的舖頭中，老闆所用的sample影片主角竟然是自己的男朋友。事主一時都難以反應，而幾個畫面中的新娘新郎名字更令事主肯定其是自己男友。
意外發現自己竟是第3者！
而事主之後先意識到，原來自己一直都擔任「第三者」的角色，原來前任不斷在大時大節消失是有原因的。事主之後直接對質男友，一開始男友還是繼續扮傻扮唔知，但當事主一爆出新娘的名字後，事主男友立即致電事主，叫事主「唔好搞事」，事主沒有回答，只是淡淡地交低一句「你好自為之」。
女友心灰意冷：覺得自己好蠢！
之後事主套用老土電視劇劇情表示自己與老婆已經沒有感情，希望事主可以出來傾一傾。不過事主絕情拒絕，之後男友都不斷打嚟希望有一次機會，但事主都以cut線去處理。最後又指：「時間浪費咗追唔返，唯有安慰自己終於睇清楚呢個人嘅真面目」。
撰文：WM丨圖片：劇照、辦公室日報丨資料：辦公室日報