這趟去東京其實主要目的不為覓食，而且東京美食多不勝數，唔訂位是完全冇問題，但Omakase除外，要吃頂級的東京Omakase，一個月前點會訂到位，於是就以Budget和地點來決定，東京市中心一萬円樓下的Omakase還有不少選擇，最後訂了一間在東京車站附近的「まんてん鮨Manten Sushi」，預訂了7,700円的Omakase晚餐，合乎預算之內。
「まんてん鮨」在東京有三間分店，光顧的這間是丸之內店，位於紅磚廣場的廣場地庫，距離東京車站步行約8分鐘。
於東京紅磚廣場的鮨店，門面半開放式設計，商場內路過的客人可看到內裡的情況，私隱度較低，用饍期間，偶爾會有商場街客問店主可否入內光顧，店員都禮貌地說已Full house，需要預訂，撇開這個問題，店舖環境還算企理的。
東京まんてん鮨Omakase 究竟有幾多道菜?
這餐好似食極都唔完，食到後段，以為到尾聲，誰知又多幾件，Omakase有時就是這樣地驚喜，當然亦有些Omakase是好清楚地幾貫就幾貫，觀眾冇得嗌Encore的。
至於這晚吃了什麼呢，恕小弟的日文屬極度有限公司，有幾貫就算翻譯了也搞不清，唯有叫大家自己看圖辨認，望見諒。
在壽司次序方面，這店當晚的師傅似乎喜歡不跟規矩，完全反轉再反轉，但我鍾意喎!
Omakase由壽司開始!
大家吃慣的Omakase是先吃前菜，然後刺身，燒物，才正式進入壽司。
該晚就反轉這個既定的程序，先來一道看似是深海池魚的壽司，然後上中華冷麵，之前才上三道刺身，分別是鯛魚、帶子和鮑魚。
接著又來一貫墨魚壽司!
跟住來一件非常美味的豆腐!
個人幾鍾意這件魚仔壽司!
之後來一客茶碗蒸!
突然來件青瓜，當清一青口腔!
另一貫壽司
支豆
吓? 竟然有金菇壽司，雖則奇怪，但金菇的鮮甜跟醋飯又夾得來!
接著就是雲丹，極鮮甜又飽滿的海膽和三文魚籽!
以為吃完雲丹應該是湯和甜品，原來仲有兩件中和大拖羅!
之後還有一客明太子!
師傅做的手卷，放了很多醃蘿蔔和洋蔥粒進去，十分爽脆!
來一碗鮮甜的蜆肉湯，暖一暖胃!
手卷之後仲有Encore
飲完湯之後，竟然又來一件海鰻壽司!
然後一件漬物手卷!
到了玉子燒，相信真的就到結局了!
一連串時空交錯的劇情後，來一杯抹茶定一定神!
最後以非常香甜的西瓜作結!
小評:
就這晚師傅的表現，手握壽司的技巧雖不算細緻，但手勢穩定，而食物排序看似十分亂，但亂中又頗有序，如果用戲劇角度去看，這部戲就用上很多剪接技巧，時空交錯地講古仔，最後郤可以埋到尾，結局還算完滿。
不計青瓜、支豆和抹茶，總共吃了20道，非常豐富，又難得多蔬菜，我還飲了一小客清酒，埋單也不超過一萬円，抵食!
如果不介意商場半開放的設計，又接受不太循規蹈矩的食物編排，可以一試這間東京站週邊的Omakase，一個月前訂座應該冇問題的。
まんてん鮨Manten Sushi (丸之內店)
地址: 東京都千代田区丸の内２丁目６−1 丸之內紅磚廣場地庫B1
交通:東京車站步行約6至8分鐘
營業時間:11:00–14:00,17:00–21:30
Google Maps地點: https://goo.gl/maps/57TftZuf4fNGjVA29
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung
