臨近每年9月，有關Apple發佈會嘅傳聞就越嚟越多！而近日就有一張疑似 Apple 秋季發表會嘅官方邀請函喺網路上流出，引起咗全球媒體和各位蘋果迷嘅關注。但冇諗到呢張邀請函之後被證實竟然係假嘅？
事源就係知名 Apple 爆料用戶Majin Bu 早前就喺社交平台 X 上載一張據說為 Apple官方邀請函嘅圖中，得知活動將於太平洋時間 9 月 10 日上午 10 時舉行，可以見到圖中蘋果Logo換成古銅金色，就令人聯想起早排流出嘅 iPhone 16 沙漠鈦配色，而圖案下方仲寫到「 Ready. Set. Capture 」字句，就同iPhone 16會加入拍攝按鈕嘅傳聞吻合，睇落真係似層層啦。
廣告（請繼續閱讀本文）
不過一眾眼利嘅網民就對邀請函半信半疑，有人就話睇落去就假假地，亦都有人話 Apple一直以來保密措施都做得全面，好少有洩露資訊嘅情況。
之後劇情就嚟個180度反轉， Majin Bu 轉發咗另一用戶 Lore 嘅貼文，貼文中Lore上傳咗製作呢張假邀請函嘅過程，仲坦承張假圖係佢用 Figma工具同 AI生成輔助而成嘅，過程10分鐘都唔洗就搞掂。然而有呢個出現呢個大龍鳳嘅原因只係因為佢太無聊。
邀請函被証實造假之後，Majin Bu 都無嬲，反而話好欣賞Lore欣賞嘅付出，甚至將呢張假邀請函set做桌布添網。
廣告（請繼續閱讀本文）
不過其實依家都已經踏入八月尾啦， Apple發出真正邀請函嘅時機都就快到，都真係係幾令人期待呀！
▼Follow GadgetGang HK
YouTube: https://www.youtube.com/@GadgetGangHK
Instagram: https://www.instagram.com/gadgetganghk/