關智斌（Kenny）首個紅館演唱會舉行在即！由BOYZ到而家飛起拍檔張致恒（Steven）一個人獨霸舞台，Kenny幾經波折先開得成騷，粉絲同佢嘅心情都好似坐「過山車」一樣。Kenny連開兩場演唱會，除了有多位重量級圈中好友，包括軒仔和祖兒，擔任表演嘉賓撐場之外，還有甚麼值得大家留意？以下3點絕對能滿足Kenny一班粉絲的願望。
2018年BOYZ喺張敬軒嘅演唱會上擔任表演嘉賓，Kenny同Steven嘅二人男子組合重新獲得關注！BOYZ成功「翻生」，同年喺九展開騷叫好又叫座，一班粉絲都希望佢地可以乘勝追擊。今年撞正「安心偷食」事件，BOYZ成功頂替許志安檔期，獲得首次舉行紅館演唱會的「入場券」。
不過其後因為張致恆爆出桃色新聞而令BOYZ演唱會被迫喊停，幸好差點紅館夢碎的Kenny獲得粉絲集氣，終於成功爭取到公司支持，在原定日子舉行Solo演唱會。
在紅館舉行一連兩場個人演唱會，對Kenny來說是個終極夢想，也是最大挑戰！Kenny珍惜這次難得的好機會，更表示：「我想話俾人知，我對音樂係認真嘅。」他相信自己絕對不會讓歌迷失望，以下關智斌演唱會的3大看點，是否能滿足粉絲的願望呢？
關智斌紅館個唱看點3：超強表演嘉賓陣容
不少歌迷講笑說希望將Kenny的Solo演唱會變成「相敬如賓」演唱會，讓摯友張敬軒能代替張致恒，與他拍住上開騷。Kenny曾透露軒仔會擔任一個特別的角色，相信大家一定滿意。
Kenny在圈中人緣甚廣，與同公司的歌手，感情更如兄弟姊妹。 公司臨時變陣，讓Kenny開個人騷，除了張敬軒之外，容祖兒、Twins和古巨基都齊齊撐，擔任表演嘉賓陪他來一場華麗的「英皇群星演唱會」。
基仔是Kenny演唱會嘉賓之一，他透露當看到Kenny早前在「冤枉娛樂」短片中講述原本快要碰到自己夢想時卻突然破滅，覺得很揪心。雖然那時還未發展到Kenny可以開個人演唱會，基仔已第一時間跟經理人霍汶希（Mani）勸求說：「唔好唔搞呀！一個人都搞！有乜嘢我可以幫嘅我一定幫！」之後古巨基再私下相約Kenny輔導鼓勵，以至最終定案變成Kenny個人演唱會。
基仔更向Kenny提議：「合作環節不如我陪你變成一個組合唱跳啦！你係Kenny Kwan、我係Ku Kui Kei，咁多『K』我哋就叫『KK TEAM』啦！」看來沒有了Steven，Kenny還有基仔跟他拍住上。
關智斌紅館個唱看點2:歌舞有驚喜
Kenny：「我對音樂是認真的。」演唱會最重要是唱歌環節，但Kenny 舉行Solo演唱會，很多人都質疑他的歌夠不夠唱足一場演唱會。網上充斥不少關心Kenny的留言，如「一首《眼紅館》一首《死性不改》無限loop？」
Kenny出道時被貼上「偶像」標籤，很多人都覺得他不會唱歌，甚至有人問他會不會看五線譜。其實Kenny一直對音樂有熱誠，出道以來一直努力唱歌及參與創作。為了今次個人紅館騷，他亦密集式練歌，希望喚起大家對「歌手關智斌」嘅認同。
Kenny坦言今次演唱會最大挑戰係跳舞的部分，舞蹈基礎薄弱的Kenny也希望帶給歌迷更多層次的表演，所以他由計劃開騷以來，就一直努力練舞。雖然好多方面都要從基礎學起，但他亦逼自己努力練習，做到最完美。
關智斌紅館個唱看點3:肌肉無限放送
Kenny身材fit爆，歌迷一直好期待他在演唱會上爆衫騷肌。Kenny曾講笑話自己並不喜歡騷肌，但既然大家都愛看，相信好錫Fans嘅Kenny演唱會上一定會滿足大家。
齋睇Kenny IG嘅騷肌相已經令人流鼻血，如果能親眼見到「實物」，一定感覺更加震撼。
Kenny開騷在即，好友容祖兒為他作了一首詩打打氣，在IG開Post：
「 狀態大勇關智斌
成身結實硬繃繃
隆重登上眼紅館
必定有型又有款
#加油關斌 」
有Joey的認證，粉絲不用擔心，Kenny已經準備好最佳的歌舞、最好的肌肉讓大家欣賞！
因為連日不停練歌、操肌、學跳舞，再加上同時間還要拍電影，Kenny上個月因為體力不支而暈倒，他坦言當時非常驚慌。
Kenny非常珍惜這個失而復得的機會，準備用歡樂和正能量衝擊觀眾的眼球。
**Follow us on:
- Facebook: CosmoHK
- Instagram: @cosmopolitan_hk
- YouTube: CosmopolitanHK**