方東昇《長命百二歲2》繼續金句爛gag大爆seed

方東昇向來正經報新聞，但主持「旅遊」節目就變身爛gag王、金句王，全新節目《長命百二歲2》頭幾集去了荷蘭及瑞士，繼續大放笑彈！  今輯《長命百二歲2》首站先到荷蘭了解當地養老和護理設施，與兩位拍檔黃曉瑩和李曉欣，先後到當地的「失智農場」、「阿嫲廚房」和「回憶博物館」等長者設施參觀。 

方東昇在節目中不斷搞gag，參觀荷蘭最受歡迎的長者電視台「Max TV」時，更為這個大台改名為「祝英台」；又大玩記憶配對遊戲，11題中答錯2題，方東昇全程沒有回答，更表示「翹埋雙手，已經係幫手。」 

節目中，方東昇又與當地老人家打羽毛球，卻打到氣來氣喘，然後又大爆金句：「世界上最大的空間，就是進步空間。」 

 來到荷蘭，方東昇當然會借風車來搞gag，當黃曉瑩問方東昇為甚麼風車不動時，他又再上身地說：「再鋒利的刀都會有生鏽的一日，再厲害的風車都會有停下來的一天。」 

 《長命百二歲2》走訪荷蘭，其中一站是失智農場，方東昇坦言香港很難有護老機構能夠帶著一班失智老人到郊外活動，因為「失智事小，失蹤事大」！方東昇金句太多，記得每晚欣賞及逐集重溫！ 

方東昇《長命百二歲2》搞笑金句摘錄：   

1. 「翹埋雙手，已經係幫手。」  

2.「世界上最大嘅空間，就係進步空間。」  

3.「再鋒利嘅刀都有生鏽嘅一日，再犀利嘅風車都有停落嚟嘅一日。」  

4. 「失智事小，失蹤事大。」   

5. 「世界零距離，但年齡有距離。」   

6. 「長者一齊煮飯仔，全因一名後生仔。」  

 7.「寬闊嘅農場，點都好過四幅牆！」   

8.「呢度菜未必有菜味，魚未必有魚味，但佢嘅服務一定有人情味。」  

9.「老人家多睇年輕人，內心都年輕過人。」   

10.「慢慢嚟唔使急，我哋唔會催人，歲月先有資格催人。」   

11.「45歲或以上先係中年，所以我仲係大好青年。」   

12.「有錢人就驚人在天堂、錢在銀行，我哋就唔使驚，未上天堂，先嚟銀行。」   

13.「時間似水，似水流年。」   

14.「瑞士有大碼銀紙，仲大把銀紙。」   

撰文：二弟