黎智英接受《蘋果》專訪　批拘捕政治化如「誅九族」　強調繼續發聲但「講嘢要小心啲」

香港警察星期一以涉嫌違反國安法，拘捕壹傳媒創辦人黎智英，他昨晚保釋後，今日接受《蘋果日報》專訪，指拘捕他非常政治化，連他兩名兒子和蘋果多名高層都被捕有如「誅九族」，「係中共一貫手法，想嚇我啲細路同同事」，又表示被捕時無擔心直接被送到中國受審，強調《蘋果》一定會撐下去，「200 警員上嚟，都無人（同事）會驚，無同事問我之後點？個個都係叫我加油。」他又稱被羈留期間曾反思，如果知道結果「會唔會唔好參與得太前」，但他的結論是「都係會揀呢條路；性格決定命運，如果呢個係天主畀我嘅命運，我接受。」

黎智英今午回到壹傳媒大樓，獲員工鼓掌歡迎，他之後接受專訪，強調自己在 7.1 國安法生效前曾接受不少傳媒訪問，呼籲國際支持香港，意思難免包含制裁，但無行動要顛覆國家，「有冇喺行動上要顛覆中國？或者做任何嘢？佢（北京）知道我從來對台獨嗰啲嘢我一路都反對。」他表示難以評價自己被捕是否中國對美國的「反制」，但非常政治化，舉例張劍虹被捕是涉及個人公司用《蘋果》大樓地址作為通訊地址，「咁就話我哋瞞騙」，連他兩名兒子黎見恩及黎耀恩亦被捕，「咁都告，有啲誅九族。」

日後發聲「小心啲」　例如不用制裁字眼　

他認為當局拘捕他是為了震懾較溫和的香港人，因為北京最害怕「200 萬曾經上街反《逃犯條例》修訂上街嘅市民」，希望透過拘捕他令香港人噤聲，200 名警員高調入大樓搜證，亦是為了震懾員工。

黎智英強調之後會繼續發聲，但可能「講嘢要小心啲」，例如不用「制裁」字眼，「我覺得呢個係長期鬥爭，唔可以將個鬥爭去到太激烈，之後做嘢要謹慎少少」，又稱相信香港人愈和平愈能爭取支持，「我哋企緊喺歷史啱嘅一面，時間喺我哋呢面，唔需要好激烈咁同佢哋『攬炒』。」

守護言論與新聞自由。立場新聞，寸步不退。
每月贊助支持立場新聞