29歲陳偉琪形象差被放逐冇得《愛．回家》最後一集細龍生細龍太動真情

29歲的陳偉琪憑36E上圍被封無綫咪神，近年加入《愛．回家之開心速遞》演細龍太雷珍妮做惡老婆上位，不過細龍太將成為過去，有傳陳偉琪因為形象差，被安排淡出劇組，唔止冇得《愛．回家》，就連所有演出機會都歸零。《愛．回家》極有可能成為陳偉琪在無綫的暫別作，所以劇中老公細龍生（鄭世豪）好唔捨得佢，日前仲送咗首歌同佢講bye bye。有家底唔憂米的陳偉琪近月好清閒，冇工開自求多福，一心轉型做網紅同旅遊達人，有36E同
富爸爸照住一定有出路嘅！

撰文、圖片：東方新地

曾是TVB「咪神」 陳偉琪今絕跡《 3日2夜》

形象豪放屢次出事的陳偉琪，曾涉及醉駕被捕，又被爆背男友街頭與外籍男激咀，早前本刊記者更在淺水灣見她無懼疫情與友人脫罩隊酒扯煙大解放，原來她已被投閒置散多月，據知情者透露：「 Vicky（陳偉琪）形象認真麻麻，出過咁多次事佢都冇變，言論又大膽，公司覺得佢好難控制，所以近月已經再冇任何工作畀佢，《愛．回家》都講佢避走外地，補咗個 shot就當係交代，劇中老公鄭世豪影響都大，冇咗個老婆戲份亦會大減，而Vicky就全面被放逐，就算復拍《 3日2夜》，都冇預佢，因為無綫依家大把咪神，少佢一個唔少。」

憑《愛．回家》彈起最後一集細龍生細龍太動真情

陳偉琪入行七年，因36E身材超級勁爆，出道後即被封無綫新一代爆乳「咪神」，過去多被安排做身材擔當，拍劇逾三十幾套都係做大配角，直至三年前加入無綫處境喜劇《愛．回家之開心速遞》演細龍太，陳偉琪終於有個角色被觀眾嗌得出名。

上周三（5日）就是陳偉琪淡出《愛．回家》前的最後一集，不過她只是出多個 shot就交代完，細龍生（鄭世豪）與細龍太（陳偉琪）終須一別，據知二人都拍攝時動真情流出真眼淚。之後鄭世豪在社交網送上自己首新歌〈只准你話我是傻〉畀陳偉琪，二人又一齊開直播聊天，當被網民追問細龍太何時回歸，陳偉琪只能苦笑說：「未知幾時會返⋯⋯」細龍太有錢就是任性，環遊世界未必返喇！