BOYZ喺10/16（星期二）完成佢哋出道15年嚟第一場演唱會！當晚，佢哋請咗唔少嘉賓，有Twins、ILUB等，仲請埋張敬軒上台一齊合唱！Fans嘅反應非常熱烈。BOYZ大唱經典歌，台下粉絲打開手機電筒，形成一大片「燈海」，跟住一齊唱，場面壯觀。
Kenny開完show之後一日，已經除出咗幾個Post，發表完show感言！反而Steven就冇咗影，唔通佢太攰？
佢今日就喺IG打千字文，大派洋蔥，發表喺演唱會前、演唱會時嘅心情！
全文如下：
「對不起咁多位，要大家久等我擺呢個post，聽其他藝人講，開完第一次嘅演唱會之後都會有種症狀，就係show後失落症，雖然這兩天都在拍 #深夜美食團
但係我個心仍然喺演唱會裏便，回想返，當日仲考慮緊返唔返香港做張敬軒嘅演唱會嘉賓，去到今日好似發左一場夢咁，因為真係冇諗過會再有機會同Kenny同台演出，排練嘅時候10分緊張，每一日都緊張到唔係好瞓到覺，生咗好多壓力瘡，好驚自己做得唔好，好驚連累整個班底，好驚Kenny會唔開心，因為咁多年都冇乜做過啲咩成功嘅事，係會令到人開心，但係當我一踏進台，聽到你哋嘅歡呼，嗰種壓力馬上消失左，喺台上面見到你地每一個笑容每一個歡呼，都馬上令我進入狀態，我就馬上發現左一樣野，原來我嘅壓力唔係要去食藥，而係太耐冇見過你地，見到你哋滿心期待嘅樣子，我就所有壓力都冇晒。
好啦講返個show，今次好想多謝嘅人好多，冇軒仔嘅撮合，都唔會有呢個演唱會，總監細榮對我地嘅嗰種照顧，真係好溫暖，英皇娛樂上下咁多位同事，就算我離開咗英皇呢個大家庭，佢哋對我嘅照顧可以講係無微不至，仲有我而家嘅公司邵氏嘅同事同埋經理人，佢哋都好錫我排練宣傳開show佢哋都一直陪住我，當我失落嘅時候佢哋都會鼓勵我，其實要多謝嘅人真係太多,要講真係有排都講,不過最想多謝嘅都係你哋,因為冇你哋嘅支持鼓勵,冇你地買飛入場,冇你哋嘅愛和擁戴，我哋根本冇可能開到呢一個演唱會，所以我好愛你地每一個，你哋係我嘅動力，所以你哋要繼續支持我同我一齊行我以後嘅路啊，好啦講得太長，大家都睇得好辛苦????
最後最要多謝嘅係 #關智斌 因為呢一個人佢做嘅嘢比我多好多，以為哥哥對我亦都好好，我知道佢都緊張但係佢都會攬住我同我講唔使緊張，其實係人生裏邊搵到一個咁夾嘅人真係好難，所以我會好好努力去珍惜同關智斌一齊合作嘅呢一啲時間，關智斌我愛你！ @kennyjr」
Steven以前畀人嘅感覺好輕佻，「闊佬懶理」，今次佢開show，令好多人對佢另眼相看！佢仲喺開show 前將「BOYZ」紋上身，意味住：一日係BOYZ，一世係BOYZ！
唔少Fans都喺樓下留言，表示自己都有演唱會後遺症，回憶番晒嚟！好多粉絲要求佢哋下年要去紅館開演唱會！
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）