台灣有好多有特色嘅打卡靚景，真係每去一次都發掘到新地方打卡咁滯！台北大家就玩得多，今次小編就介紹台南呢個好得意嘅地方俾大家啦！
呢個台南嘅樂園叫做「隱田山房」，係一個恬靜又舒服嘅環境，好啱嚟呢度打卡同放鬆遊！
成個園區都俾花草樹木包圍，令人心曠神怡！
廣告（請繼續閱讀本文）
「隱田山房」最出名，可以話係「白色教堂」！
呢個教堂入面所有野都係純白色，出面就一塊好靚嘅彩繪玻璃窗掛喺門口上面～
喺咁純白嘅教堂打卡，個人頓時被淨化左咁～
除左「白色教堂」，呢度仲有好多得意景點俾大家遊覽、野餐～
呢啲景點擺設會令你誤以為自己去左小人國，樣樣野都變大哂！
可以入巨型雀籠化身「小鳥」依人，再加埋背後嘅田園山景，好靚～
廣告（請繼續閱讀本文）
唔夠？仲可以令自己化身杯緣子，爬喺巨型茶杯口，或者捧住大茶壺！
藍花白底嘅裝置，仲有變左人仔嘅大家，真係好可愛呀！
廣告（請繼續閱讀本文）
呢個打卡樂園仲有好多得意景點等大家發掘嫁！
嚟台灣嚟個小清新打卡遊啦！
《隱田山房》
地址：台南市玉井區層林里10號
營業時間：10:00-18:00 (週一休園)
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）