改篇自真人真事網絡小說的本土電影《#PTGF出租女友》，去年12月展開招募新演員行動、並優先考慮對演戲有興趣之國泰、港龍及香港航空前從業員。至上月鍾培生加入投資，又再成為熱話。經過連日試鏡後，選角終塵埃落定，選自招募行動中的14位新演員將入組分演不同角色，其中包括同樣擁有34D上圍的前港龍空姐Shanne及24歲索模Amber。
《#PTGF出租女友》的男女主角則為趙善恆和鄧月平，其他演員尚有張建聲（Justin）、岑珈其、張松枝、張沛樂（沙律）、程美段、郭奕芯（Ashina）、馬俊怡（Rose Ma）及YouTuber娜美等。
無獨有偶，恆仔擔任導演、Justin參演的《一秒拳王》屬兩人正式首次合作，《一》片今日（3月11日）正式上畫，兩人又湊巧地同於今日生日，今晚更要一齊去戲院謝票。今次他們在《#PTGF出租女友》再結片緣，恆仔對於能再遇合作伙伴感到好開心，因為在疫情期間，大家都沒見面。
據知恆仔於片內要俾女圍，平日比較怕醜的他笑言不會驚，「之前拍《向西聞記》都有呢種情節，但拍電影好似係第一次，唔會驚呀，大家演員都專業。」恆仔今日生日，他希望大家都身體健康，疫情盡快過去，他說：「《一秒拳王》今日上畫，有好嘅票房當然係最好嘅禮物，亦希望將呢部花盡台前幕後200%心血嘅作品，將電影內嘅訊息帶到畀香港人。」
張建聲的生日願望是希望疫情盡快過去，讓港片市場回復正軌，「拍《#PTGF》又同趙善恆梗係正啦，仲要恆仔第一次擔正，梗係要幫拖，同埋老闆蕭定一先生叫到，一支穿雲箭，千軍萬馬來相見，點都要幫手。我個角色今次係做恆仔嘅上司，都係要將恆仔變到翻天覆地，呢次嘅戲有啲過癮位，自己都期待。」
Justin是從網絡小說改編的電影中成長，但《#PTGF出租女友》這部以社會獵奇及黑色幽默為題材的電影，跟Justin在成名作《一路向西》的片種及演出完全不同，Justin笑說：「我年紀都大啦，啲衫都要著返晒，呢啲咁粗重嘢交俾恆仔或者一眾年青演員做啦，呢次我係輔助角色，相信都幾好玩。」
《#PTGF出租女友》故事講述一名富家子（恆仔飾）屢遇情傷，偶然下成為PTGF界之王，沒料到他再一次遇到一個PTGF（鄧月平飾）令他沉船，但換來失戀下場，結果他在一夜之間將三千幾張PTGF在網上公開，把PTGF世界全面摧毀⋯⋯
Submarine 總之大波肯露就得㗎啦😂🤣
距離做🐓只差一步😂🤣
2021年03月12日03:07
風箏 無一個演員個名係聽過的
以前上一代既港產片風靡亞洲
大陸台灣更係耳熟能詳
而家香港淪落到只能拍呢 d
搵幾個不知名二打六題材又低俗既垃圾片
2021年03月12日00:57
e 本身呢班女都係做雞，即係紀錄片啦🤗🤗🤗🤗
2021年03月12日01:43
家喜 呢班有冇老啲
2021年03月12日03:35
nelson 電影圈蕭XX玩完
2021年03月12日02:29
顯示全部