愛回家│25歲周嘉洛鄰家男孩勁入屋 無女拖靠同性陪shopping

出道已六年的周嘉洛，其實演出機會唔算特別多，但就執到支好籌加入《愛‧回家》嘅大家庭，電視台新一代小生嚟講，「金城安」周嘉洛好多人都睇好，成個鄰家男孩，形象好、入晒屋，前途無限！

撰文、圖片：東方新地

網上晒十指緊扣相 轉頭上同性友人車

25歲仔周嘉洛曾在兩年前的生日在社交網上載神秘十指緊扣相……唔好咁緊張，其實周嘉洛名草未有主，拖實隻手仔係周媽媽嚟！未有拖拍，出街玩都可以有好兄弟陪嘅，早前喺電視台開完工，周嘉洛匆匆忙忙講住電話，之後出去電視城左望右望，似等人，然後見佢上咗個同性友人的貨Van。

好兄弟做司機 陪shooping兼送返工

原來男性好友好神心去到電視城門口接埋嘉洛仔一齊走，然後去九龍灣megabox行街、買衫、逛完Ikea再喺Ikea醫埋肚都係兩支公拍住上，買完食飽hea夠，友人又車嘉洛仔返回電視城繼續開工，原來男友人係陪嘉洛攝一攝個空檔，認真唔話得喎！