廣告（請繼續閱讀本文）
廣告（請繼續閱讀本文）
短劇《香港愛情故事》口碑好，無綫再推短集數劇集，包括林肯、潘嘉德聯手監製嘅《青春不要臉》以及由《降魔的》監製方駿釗打造嘅《愛上我的衰神》。消息竟然從內地傳出，指劇集共10小時，預計兩星期就播完，由於劇情濃縮，故節奏比一般劇集快。內地短劇唔多，繼上次《香》劇於內地影片平台獲得好成績，難怪網民紛紛表示期待。
有指劇集暫時公布4位主角，包括胡鴻鈞、馬貫東、麥美恩及陳嘉慧，當中新面孔嘅陳嘉慧現年24歲，樣貌清純，係兒童節目《Think Big天地》主持，曾參演劇集《迷惘》，12歲到日本讀書，畢業於日本櫻美林大學，如今回流返港拍劇，睇嚟新一代宅男女神又誕生！該劇係一個奇幻故事，胡鴻鈞同陳嘉慧分別係兩個世界嘅人，陳嘉慧更每日都會帶畀佢衰運
廣告（請繼續閱讀本文）
胡鴻鈞拍完《十月初五的月光》就緊接四月尾開拍《愛》劇，佢接受當網訪問表示：「我本身劇入面角色都好慘，成日都會唔開心！(又做男主角受公司力捧喎！)有得做自己會畀心機，角色都好有挑戰性，自己要好深深挖出自己心入面唔開心的事，但唔開心得嚟要演得有層次，難度就喺呢度！」說到要領導新人陳嘉慧做戲時，他謙稱：「我何得何能，自己都係新人，我老喇！後生可畏，監製搵佢一定係佢有潛質。」
東網網站 : https://on.cc/
東網Facebook專頁 : https://www.facebook.com/onccnews/