TVB視帝十大熱門候選人！黑仔、馬明今次有冇機？

青黃不接？後繼有人！

無綫電視TVB，喺香港有漫長嘅歷史，由來1967年啟播至今，已經有成五十幾年喇！人生，有幾多五十年？TVB陪伴香港人成長，一代又一代嘅香港人都係日日睇住TVB，由兒童節目開始到深夜節目，成為咗香港老少最佳嘅免費娛樂。其中，入面好多TVB培訓出嚟嘅演員，都深得香港人喜愛，出過無數而家紅遍亞洲嘅天皇巨星。好似周星馳、劉德華、梁朝偉等等，真係無人唔識。2019年TVB就要頒發影帝嘅最高殊榮，今日DailyView就同你細數十大網民熱議嘅候選視帝喇！

DV小教室：網路溫度計透過《KEYPO大數據關鍵引擎》，觀測、爬梳港澳地區近萬個網站、頻道，其中包括新聞頻道、各大討論區、FB、IG以及Blog，從中取得資料樣本數，並以AI語意程式作數據分析。「網路熱度」為主題項目相關的網路posts和comments ，數值愈大代表主題項目的討論度愈高。

10 劉丹（129筆）

——TVB長青樹

劉丹，丹爺，喺香港嘅演藝圈子入面，可謂無人不知，無人不曉。劉丹資深的演技、演出經驗，由老一輩到而家嘅後生仔，邊個會話無見過佢喺電視螢幕嘅演出？或者係咁，先至咁多讚佢演技出色。由喺昔日做《真情》入面嘅燒臘店店主「叉燒炳」，到今日《愛回家之開心速遞》入面嘅根叔，每次都廣受觀眾喜愛。你又知唔知佢做過《射鵰英雄傳》四個版本嘅洪七公？劉丹實力非凡，令人肯定，多年來演活咗咁多唔同嘅角色，絕對有實力攞今次嘅TVB視帝！

image source:

9 蕭正楠（167筆）

——「雪雪雪」

蕭正楠由最初演出《戀愛自由式》嘅男主角，後生靚仔，即時吸引咗好多女性Fans。之後 《六樓後座》又榮獲第23屆《香港電影金像獎》提名「香港電影金像獎最佳新演員」，2011年中國內地劇《怪俠一枝梅》飾演反派角色「應無求」，好受中國觀眾喜愛，返TVB發展至今又攞咗好多個唔同嘅獎項，咁多肯定，力證佢嘅演技出色。2019年TVB都市傳說之單元電視劇《十二傳說》，蕭正楠擔正男主角，佢喺劇入面做記者傅子博，演出精彩，深受香港人歡迎，唔知視帝係咪佢呢？

image source:

8 張振朗（199筆）

——翻版黃宗澤

張振朗2011年起加入TVB，同年已經憑《法網狙擊》中蔡震烈，同埋喺《心路GPS》演陳敏聰而為人熟悉。直到2013年，張振朗喺《師父·明白了》飾演書生白鶴懿一角，被刺死嘅一幕演技出色，令觀眾印象深刻，即時多咗好多Fans。之後佢喺TVB嘅演出愈嚟愈多，尤其係《愛·回家2》做第一男主角，更加喺香港人都大讚嘅角色。2019年，張振朗喺《堅離地愛堅離地》做男主角，時裝愛情科幻喜劇電視劇令人耳目一新，唔少人都話張振朗有機會攞到視帝，唔再係黑仔王。

image source:

7 曹永廉（215筆）

——「御用罪犯」

唔好睇曹永廉為人樂觀，喺娛樂圈深得身邊嘅朋友喜愛，好似未遇過咩困難咁。其實曹永廉早年事業發展並唔順利，甚至有諗過自我了結，後嚟因為演出嘅劇集受歡迎，加埋好多人支持佢，先令佢走出人生低谷。走出人生低谷，谷底反彈，隨時展開人生新嘅一頁，邁向光輝嘅未來。之後佢喺《雙面伊人》飾演反派「方德信」、《妙手仁心II》「向眾仁」、《法證先鋒》「沈雄」等，都做得好，深受港人歡迎。2019年，佢一共演出咗三套劇集，部部精彩，佢會唔會殺出重圍呢？

image source:

6 王浩信（284筆）

——「除衫王」

王浩信，型男，佢嘅演技其實早就得到大家認同。佢喺2017年斬獲多個獎項， 網絡至強人氣視帝， 無綫頒獎禮我最喜愛TVB男主角、馬來西亞星光薈萃頒獎典禮我最喜愛TVB男角色，同萬千星輝頒獎典禮最佳男主角寶座，即係佢喺新加坡、馬來西亞同香港，都做過視帝！而喺2019年播出嘅新劇《解決師》，呢部時裝、警匪、懸疑、犯罪嘅電視劇集，佢男主角嘅演出亦都相當出色。呢次，仲要係佢首次挑戰武打動作，話自己日日都同人打交。型男打交，新突破會否又有新得著？

image source:

5 郭晉安（393筆）

——唔止阿旺

郭晉安，喺香港人都知道佢嘅演技有幾出色。2002年年尾，郭晉安喺《戇夫成龍》入面演出智能有障礙嘅「阿旺」一角，咁高難度嘅挑戰偏偏俾佢演得入形入格，自然成為大熱門成功攞咗視帝喇！2005年，佢又再喺《阿旺新傳》入面飾演現代版「阿旺」一角，結果再次因為呢個角色，又攞到視帝。2014年《忠奸人》嘅高哲行，再再再攞到視帝。一次可能係好運，三次絕對係實力證明。2019年，佢喺《白色強人》嘅演出，觀眾一致力讚，難怪佢會喺網民五大熱門嘅視帝之一。

image source:

4 袁偉豪（403筆）

——再接再勵

近年TVB最愛小生袁偉豪，2007年參加香港先生取得冠軍，型到出汁嘅外形，深受女性Fans鍾愛。袁偉豪唔止得外形，亦都好有演技，佢嘅演出愈嚟愈出色，令到唔少人都關注佢嘅表現。同時間，佢都開始攞到唔少提名，2016年仲得到獎項「最受歡迎電視男角色」咁。2018年，袁偉豪喺劇集《棟仁的時光》嘅演出，獲頒發「馬來西亞最喜愛TVB男主角」、「新加坡最喜愛TVB男主角」兩個獎項。2019年，拍攝無綫新劇《鐵探》，飾演患有創傷後遺症嘅警察，深入民心！

image source:

3 陳山聰（628筆）

——事業高峰

陳山聰最初係以唱歌出道，喺歌唱比賽入面深得當時係評審嘅劉德華欣賞。不過可惜後尾遇上1997年嘅金融風暴，令佢發展受挫。之䈗佢入返TVB，經過多年做配角，終於有高層賞識。陳山聰慢慢拍咗好多劇集，好似《張保仔》、《刀下留人》咁，每次演出都令觀眾有好感。2019年，佢首次喺熱播嘅劇集《金宵大廈》做男主角，TVB小生陳山聰表現得出色，呢部劇令佢知名度持續上升，可以話喺佢近年嘅事業高峰。正因為咁，好多人都睇好佢有機會攞視帝，去到頂點。

image source:

2 馬國明（679筆）

——努力工作

馬國明，網民最愛，不過亦都俾網民話佢係TVB備胎王。點解呢？皆因佢次次都大熱，但次次都只係攞到其他獎。2018年攞唔到視帝個樣，個反應，仲要俾網民話佢真情流露，認真可惜。之後呢一年，馬明又捲入「安心事件」，呢位受害者好大方，無講咩嘢，只係話會努力工作。佢咁慘，緊係又令一眾深受佢嘅Fans等佢唔抵喇。而喺今年，佢努力默默工作，係有好嘅回應，《白色強人》入面，馬明嘅演出相當突出。好多網民都想佢攞到視帝，難怪係大熱門。唔知結果又係點呢？

image source:

1 姜皓文（781筆）

——影帝級數

姜皓文，花名黑仔，佢多年演出經驗，鍛煉出佢出色嘅演技。電影《奪命金》、《樹大招風》、《拆彈專家》、《大樂師·為愛配樂》同《翠絲》，廣為人知，佢喺入面精彩嘅表現，更得到多次提名。當中，《拆彈專家》取得第1屆MOVIE6全民票選電影大獎同第37屆香港電影金像獎最佳男配角殊榮；《翠絲》獲得第2屆MOVIE6全民票選電影大獎最佳男主角。2019年，姜皓文TVB劇《鐵探》播出，大批網民狂讚佢做得好，話直頭係今年視帝最大嘅熱門人選，影帝之外再做視帝。

image source:

分析說明：

本研究資料由《KEYPO大數據關鍵引擎》提供，分析時間範圍為2018年10月31日至2019年11月01日。

網路大數據系統觀測港澳地區上萬個網站頻道，包括新聞頻道、Facebook、Instagram及各大討論區、BLOG等，針對討論『十大TVB視帝人選』相關文本進行分析，並根據網友就該議題之討論，作為本分析依據。

本文分析之結果，非參考投票、民調、網路問卷等資料，名次僅代表網路討論熱度大小，不代表網友正負評價。