機場單嘢討論仍在繼續。
睇連登、TG,好多人說﹕
廣告(請繼續閱讀本文)
「他們確實係做錯咗」
「他們沒有錯」
本文唔是想講有無錯。
我也自問是學習心態,寧願虛心聆聽各方觀點。
廣告(請繼續閱讀本文)
我想說的是,其實我們可否學習,
唔好再用「他們」做 subject,而學習用「我們」?
「我們確實係做錯咗」
「我們沒有錯」
可否練習,咁樣樣去講呢?
廣告(請繼續閱讀本文)
或者你認為,這只是捉字蝨,
勸我不用分得那麼細。
但我真心認為這是值得注意的。
想像一下吧﹗
你老母同你講﹕
「阿仔,等我教精你。」
OR
「阿仔,我哋一齊學習。」
兩句話其實內容差唔幾,但邊個順耳啲?
你話嘞。
第二句順耳,
係因為心態。
這心態的「好」有二。
其一是﹕表達意見的同時,也話畀對方知﹕「我認識到自己是何其不足」。
如我上次講,呢場運動無人能夠預計,無人可以做神軍師,
大家都係學習心態,
你話「他們」做錯,難道你肯肯定自己無錯?
其二是﹕明確話比對方知,咩叫「不割蓆」。
YES,「不割蓆」,就是,「講我們」。
和理非取得成果,勇武都有份;
勇武取得成果,和理非又有份。
如果有日,林鄭下台,
我哋會話﹕「我們成功了。」
而唔會話﹕「他們成功了。」
是吧。
咁點解失敗的時候、提出批評的時候,
卻係話「他們錯了」,而唔是話「我們錯了」?
我們不是同坐一條船嗎?
尋晚,繼平 BB 話﹕
「所謂的共同體,就是能想像他人痛苦,並且甘願彼此分擔的群體。」
確實,我們真是個共同體來的。
因為,我們甘願分擔彼此,包括對,與錯。
贏就一齊贏,輸是一齊輸。
我們是一體,我們是香港人。
守護言論與新聞自由。立場新聞,寸步不退。
每月贊助支持立場新聞
www 膠文
2019年08月18日18:30
華 在你們心中有言論同新聞自由嗎.你們只有自己自由.-立場不同.報道不偏向你們立刻被攻擊抹黑.這叫甚麼自由.
2019年08月18日18:10
Tim 不評論政治 但真心覺得香港的新聞水平越來越低
2019年08月18日17:42
pp 我建議中國這樣懲罰香港:
1. 不准香港加入大灣區,等香港沒得分享當大灣區人的榮耀
2. 不准香港建三跑,人工島,使香港少了未來發展方向
3. 停止每日 150 殖民,令香港人口老化
4. 停東江水,令香港被迫另求水源建海水化淡廠
5. 撤走駐港解放軍,使美軍攻擊香港時的沒人保衛香港
6. 要求所有中國教職員和優才辭職,返中國工作,供獻自己才能知識、唔益香港人,你以為搞科研就請回香港人
7. 將工聯會撤回中國,香港不配有那麼好的工會,等你班人無得學中國象棋
8. 在香港買奶粉回國,一律無期徙刑,等你香港人無得賺奶粉錢
9. 不再委任特首,等你自己選,以後特首級人才留給你慢慢用
10. 不教普通話與簡體字,香港人永遠學不會講不好中國的文明語言與規範文字,被中國人當醜小鴨排斥
既然上面的東西全部益你,快些拿走,等班香港人哭住要認錯。
2019年08月18日17:06
Chui 講清楚:
「一條船」係同理性,有理想,出發點為香港好嘅和平示威人士一起坐。
而隻船唔係同拋燃燒彈,拋磚頭的暴力人士,唔顧別人感受,唔理經濟發展,自私自利嘅人一起坐
2019年08月18日16:21
顯示全部