【獨媒報導】港足今年踢出成績，相隔54年再闖亞洲盃決賽周，隊中的安永佳及茹子楠亦先後外流中國聯賽。其中上月從東方龍獅轉投中超梅州客家的茹子楠接受廣東體育的訪問，認為中超的節奏與身體對抗都較港超聯強，短期目標是希望站穩正選位置，長遠目標則是再到歐洲發展，「呢樣嘢係我由細到大最想做嘅目標」。
東亞足球錦標賽獲曹陽相中
現年24歲的茹子楠接受廣東體育《足球星視界》訪問，全程以廣東話對答。他首先談到加盟契機，指梅州客家總經理曹陽有留意他在東亞足球錦標賽的表現，「我三場都有踢、正選上陣，可能曹總見到我喺呢個位置都表現得ok，佢就聯絡我」。他指從未想過會踏足中超，很驚訝會獲得加盟邀請，「我一聽到呢個offer 嘅時候，我都冇諗過有咩考慮，即刻take 咗，即刻過嚟」。
盼到歐洲發展
梅州客家今年升班踢中超，18場比賽過後暫列第三，茹子楠上陣三場更收獲2個助攻。他指踢完三場比賽後已適應球隊節奏，認為中超的節奏與身體對抗都較港超聯強，短期目標是希望站穩正選位置，長遠目標則是到歐洲發展，「呢樣嘢係我由細到大最想做嘅目標」。
他又坦言「可能香港球員開始進步」﹐認為與近年香港球會願意將資源投放在年青球員上，「可能因為呢個原因，令到更多中超球會認識到我哋」。
年少北上集訓 因思鄉而哭泣
今次到梅州客家效力，是繼茹子楠在2019年到葡甲球會科瓦彼達迪後，再次外流。另外，茹子楠亦提到梁諾恆、陳俊樂及戴偉浚等其他在中國聯賽打滾的香港球員，指兒時一起踢過「小南國」，已不時北上集訓與其他球隊對陣，老對手則是燕子崗，「我哋次次都輸，基本上聽到呢個名我哋已經驚，但年紀大啲之後，我哋實力嘅距離拉近咗好多」。
他續指當時只有11、12歲，因年紀少有少少「思鄉病」，訓練後回到宿舍會因想起家人而哭泣，「真係會咁樣㗎，因為太細個呀嘛」。
相信香港球員會珍惜踢中超機會
中國足協在2018年2月規定中超及中甲球隊在新球季可以引入一名首次註冊的港澳台球員，並視作內援。茹子楠認為，政策有利本地港員外流，「呢個（中超）係一個好好嘅平台，令你嘅技術、對抗，甚至視野進步得好快，所以我相信香港球員如果有中超球會嘅招來，一定會好好珍惜。」
版權: 禁止衍生