Ian@MIRROR女友盧慧敏（Amy Lo），最近為珠寶品牌拍攝短片，整條短片靈感源自Y2K年代，Amy穿上多套色彩繽紛的服裝，更配上精緻璀璨的心形配飾，坦言平日出街很少穿得如此鮮艷及暴露cutting。
廣告（請繼續閱讀本文）
身為90後的Amy，今次以Y2K造型拍攝短片，穿上色彩繽紛的服裝襯心型配飾，帶大家重回最快樂的黃金年代。「Y2K呢個年代畀我嘅感覺係色彩繽紛，唔單止係衫，甚至喺音樂同電影入面，都好有個人獨特性，可能係當時嘅世界觀，或者係人類對世界嘅憧憬同好奇心都比而家重。」
廣告（請繼續閱讀本文）
Amy其中一個造型，就是穿上一件心型剪裁的粉紅色小背心，罕有地大膽穿搭。她直言：「我平時出街好少着得咁鮮艷，亦唔會着咁暴露嘅cutting，所以好慶幸今次可以畀我有一個咁好玩嘅style。」
廣告（請繼續閱讀本文）
拍攝時，Amy幻想自己是Spice Girls、Britney Spears、王菲呢等人。「佢哋係好大膽同好敢做自己嘅女性，時尚係會循環，隔咗好多年就會重複返嗰個trend，可能而家興起Y2K熱潮，拍攝當日見到啲古董電話、打字機，大家都好有回憶！拍得好開心！好好玩！」
提到快樂，Amy認為將愛與快樂帶給別人，自己也將得到同樣回報。「雖然每個年代都有佢嘅好同唔好，而家睇返當時係一個冇咁抑鬱嘅年代，當時網絡未咁興起，會少啲批評，一班人好開心咁一齊玩。」
Amy又認為，每個人都有低潮及不開心的時候，那麼遇到不快的時候，又如何自處呢？。「當我想做返世界好靚時候嘅自己，我通常會保持一貫慢嘅節奏，同自己傾吓偈、睇吓書、睇吓電影，做一啲可以攞到靈感嘅嘢。」