毛舜筠在去年聖誕節特龍抽空，與丈夫區丁平與兩位女兒過聖誕團聚，兩夫婦原定在1月5日返港，但香港特區政府鑑於全球疫情因Omicron變異病毒株急速惡化，在去年12月20日宣布「熔斷機制」，近日政府再宣布機制延長至4月20日，禁止澳洲、加拿大、法國、印度、尼泊爾、巴基斯坦、菲律賓、英國及美國的民航客機着陸香港，同時限制於14天內曾逗留該些地區超過兩小時的人士登上任何民航客機來港，以阻止相關地區人士經轉機到港。因為熔斷機制而滯留加拿大的毛舜筠，近日接受李婉華網上頻道訪問時，分享無法返港的慘況，直斥：「全世界冇一個地方唔畀自己居民返去﹗」
毛舜筠 經歷可以拍成電影
毛舜筠指因為已超過一年沒有見女兒，安排好工作便偕夫到加拿大與女兒團聚，怎料原定1月5日返港，航班取消，1月8日港府實施熔斷機制，毛姐指這段日子的經歷足夠拍成一套電影，為了撲隔離酒店及機票搞到廢寢忘餐，最後機票酒店改了4次都未能返香港，相當無助﹗
毛舜筠苦笑訂不到「監位」 籲政府關注「流亡海外」港人
毛姐指加拿大及其他國家的感染者病情跟一般感冒相若，三至五日內康復 稱現在香港疫情緊張跟以往情況不同，得知香港確診都可以居家隔離，反問為何外地返港港人就算檢測呈陰性，還要隔離14日至21日，她認為政府應彈性處理，並希望透過這段片，令政府可多關注「流亡海外」港人。毛姐苦笑指「坐監都要花好多錢，但都訂不到監位」，她指一程機票要5至7萬，21日的酒店費由8萬升至10萬，一房難求，但最後卻因熔斷機制「就熔斷咗」無法返港，令人好徬徨﹗
毛舜筠：特首話香港居民唔准返嚟，呢句說話令我畢生難忘
毛姐若不是因要返港拍戲，絕不會千辛萬苦返港，毛姐話：「未試過，瞓著都要扎醒起身睇疫情報告，當我聽到特首宣布，甚至香港居民都唔准返嚟，呢句說話真係令我畢生難忘，嗰種感覺就好似阿媽同我講我做錯咗事，唔准返屋企…，（李婉華話：毛姐你無做錯事喎﹗）依家團聚就係做錯，你離開香港去團聚就係犯法，犯咗大罪，你做錯事，點解要去一啲咁混亂嘅地方，依家唔准你返屋企﹗」毛姐表示最後計劃先飛泰國再回港，縮短在港隔離時間，最重要可以飛返香港﹗
原文刊於《東方新地》
除此之外，毛姐在去年曾與MIRROR4位成員合作，分別是姜濤、盧瀚霆Anson Lo、Edan呂爵安和柳應廷Jer，身為前輩的她更對四子逐一點評。
毛舜筠封姜濤為「偷拍高手」
毛姐毛舜筠接受李婉華網上電台訪問，大爆與MIRROR成員拍攝時的點滴﹗毛姐與姜濤及Jer合作《阿媽有咗第二個》，大爆姜濤最百厭，經常在片場偷拍她睡姿，所以要時刻保持警覺，試過有一次想姜濤刪除被偷拍片段而「追咗佢九條街」，笑指他的偷拍技巧高超封做「偷拍高手」。
毛姐又爆姜濤是「問題少年」，經常問一些假設性問題，令毛姐好懊惱，「如果唔答佢，佢會死纏住你，試過問我肯唔肯光頭拍戲？接受性感尺度程度等，真係被佢問到無力招架﹗」毛姐笑言姜濤真係好得人鍾意﹗
毛姐在《阿媽有咗第二個》另一個仔阿Jer，則為人內斂比較怕醜，但其實好sweet，毛姐請助手拍下拍戲花絮，雖然Jer怕醜，但會在背後唱歌伴奏，大讚他為了揣摩角色好用心及勤力，與他相處好舒服﹗
大讚Edan有家教 恨有個咁嘅仔
毛姐在另一電影《過時過節》中飾演其兒子的是Edan呂爵安，毛姐指Edan父母悉心栽培他成一個好好的年青人，好有家教，讚他「最有紋有路，高EQ有才華又有智慧，係父母都恨有一個咁嘅仔，如果保證生到咁嘅仔，我唔怕生多個，工作上Edan又事事求做到最好﹗」並透露即將再與Edan再演兩母子
盧瀚霆Anson Lo好學
毛姐又提到在戲中飾演Edan朋友的Anson Lo盧瀚霆，她指與他場口唔算多，但大讚他好學又乖巧，經常向她請教演戲﹗
毛姐喜見Mirror出現令香港有希望
李婉華指Mirror四子好幸福可以與毛姐合作，毛姐則表示作為前輩要做好榜樣，「要畀後輩知道工作應有態度同演戲熱情﹗」毛姐自言見證幾代演員出道， 大讚MIRROR演戲時用心，唱歌跳舞又落力，大讚Mirror前途無可限量，她表示：「好欣賞佢哋單純同直接，唔會諗啲古靈精怪嘢（走精面），我作為前輩同做人父母，真係覺得花姐真係功不可沒，身兼Mirror同Error十六個，真係好厲害﹗」毛姐同李婉華都覺得在疫情下，有Mirror令大家有喘息機會，帶給大家開心，好感恩有Mirror令大家感到有希望﹗」
原文刊於《東方新地》