洪助昇（Aiden）粉絲「熊仔糖」日前為Aiden舉行出道2周年慶祝派對。Aiden到場前，Fans早已到達場地悉心佈置，場內貼滿Aiden由《全民造星2》時參賽，直到現在的相片，還有大量Aiden演出或是電影電視劇照，現場播放Aiden歌曲，十分有心思。
廣告（請繼續閱讀本文）
Aiden甫到場，Fans立即起哄，場面熱鬧。提到出道2年，Aiden坦言感動，因為參加完《全民造星2》後，一直擔心能否實現願望成為歌手，他說：「比賽之後要去等一個機會成為歌手，有好多因素，亦都有好多未知之數，好多謝公司選擇洪助昇，令到我可以成為歌手。」轉眼間出道2年，Aiden表示要加快腳步多儲歌，希望能擁有一個個人騷。
有不少Fans從《造星》已開始支持Aiden，他說：「我記得《造星》之後有一段時間好氣餒，但佢哋不斷咁鼓勵我，等我出道，等咗差唔多3年，好多謝佢哋嘅堅持、多謝佢哋畀力量我。好多時候佢哋話我畀到力量佢哋，但真正令我堅持落去，係因為佢哋。」
有Fans向Aiden送上水泡，原來跟他推出歌曲《你不是我的岸》有關，他笑說：「我首新歌係講『沉船』，有好多fans佢哋都有沉船經歷，佢哋送水泡畀我，希望我唔好沉船，可以自救。」
廣告（請繼續閱讀本文）
（即時娛樂）