陳蕾新作《0.1秒後的世界》題材頗有驚喜，提醒大家喺愛面前無需顧慮太多，同眼前人幸福就好。
「對著幹 我未夠大能 何妨跟你遠走千百萬里接一吻」
即使身在一段未必符合大眾目光嘅關係，只要你確實喜歡對方，多困難也好，都定能憑愛跨得過，愛就係愛，對象係咩人又有何分別？
只要有突破枷鎖，懶理世界嘅勇氣，做自己去追尋所愛，幸福可以非常簡單，亦近在咫尺，同愛人不顧一切地探索係世上最開心嘅事。
「不需要得到普世認證的婚嫁 只想要一起走到絕嶺看風化」
未來縱使要面對眾多難關與掣肘，亦總會受到別人評頭品足，但做人其實唔駛諗太多以後嘅事，只需專注當下，珍惜往後每一秒嘅快樂就好，人生最重要係不留遺憾。
「繼續去 你是我導航 迷途不用破解將錯就錯也不錯 再盛放」
而MV以靚人靚景譜寫出一段浪漫故事，蕾蔓兄弟散發滿滿戀愛火花。喺一片無人地帶盡情享受二人時光，眼中只有對方，寫意自在，最後一幕更加係甜到漏。
「標準的教典 聽不見 要跟你瘋癲 沒底線 徘徊生死也探險」
《0.1秒後的世界》作為一首非一般情歌，同蕾子今年其他作品一樣，唱出全新感覺，亦為大家帶來一點力量，能夠見證陳蕾不斷突破自己，實在係樂迷福氣。
好記得作品推出當日我又忙又攰，但喺夜晚聽咗依首歌後，馬上有返啲動力，陳蕾嘅歌就係有依種魔力。
「抱緊當刻不理晝夜 俗世懶得改寫 誰都不知道 下一秒會否鳴謝」
人生只得一次，可以為愛而瘋狂其實相當值得。
祝福大家都能隨心而行，後果都不顧地撒野。
《0.1秒後的世界》陳蕾
曲：陳蕾
詞：陳蕾
編：趙浩權
監：趙浩權
「敢不敢愛到沒摯友 被詛咒 敵對宇宙
敢不敢不再怕批鬥
來捉緊 零點一秒後
一起駛往無人的荒野
這一秒 不需得到上帝的寬赦
抱緊當刻不理晝夜 俗世懶得改寫
誰都不知道 下一秒會否鳴謝
後果都不顧地撒野
後果都不顧地撒野
後果都不顧地撒野」
▼Follow hkpopculturelover
Instagram: https://www.instagram.com/hkpopculturelover/