台慶頒獎禮2024｜甄子丹壓軸頒《反黑英雄》最佳劇集　張振朗龔嘉欣首封帝后

無綫《萬千星輝頒獎典禮2024》今晚（19日）澳門舉行，全部共頒獎26個獎項，最後「宇宙最強」甄子丹壓軸登場擔任「最佳劇集」的頒獎嘉賓，《反黑英雄》成為大贏家，奪得最佳劇集、最佳男主角、最佳男配角、最佳女配角、馬來西亞最喜愛TVB男主角共5個獎項，當中張振朗成為雙料視帝，龔嘉欣則憑《企業強人》爆冷封后。

事先張揚，曾為第14期無綫藝員訓練班（1988年）的甄子丹壓軸登場，他回憶道：「30幾年前我喺TVB拍過好多劇，天賦同努力一定要、劇本、團隊、機遇同樣不可或缺。」他表示TVB是無數人的起點，好的劇集一定會有迴響，最終揭曉「最佳劇集」一獎，由《反黑英雄》獲得。事實上，《反黑英雄》是TVB全年最高收視劇集，7日跨平台總收視最高26.2，在騰訊站內熱度破2萬2千，全晚共奪5項大獎成為大贏家！

甄子丹頒獎前不忘「抽水」，表示：「好耐冇返嚟TVB，今日我個女21歲生日，抽少少水，Happy Birthday﹗」他又表示30幾年前拍TVB劇，TVB亦是很多人的起點、情懷及童年回憶，「睇劇集係唔會out，好劇好有報，補充一句，視帝視后有冇加人工，我代佢哋講，除咗個獎，有冇加人工？」

《反黑英雄》今晚合共奪5獎，包括張振朗的雙料視帝﹑最佳男配角及最佳女配角和最佳劇集。張振朗繼「馬來西亞最喜愛TVB男主角」後再下一城憑《反黑英雄》奪「最佳男主角」，成今屆雙料視帝。

張振朗奪得大馬視帝時，表示獎項對他來說「非常遠」，回想自己入行初期不時想著未來的路，一直希望可以企前些及做主角。其後再下一城，他說：「我都曾經諗過有幾耐時間留喺個圈，冇人會知，我只可以Enjoy每一個演戲時刻。今日呢個獎好重份量，好多謝兩位視帝頒畀我。演戲係我生命，多謝！」

至於龔嘉欣憑《企業強人》奪得「最佳女主角」，擊敗大熱《黑色月光》楊茜堯林夏薇首封視后。龔嘉欣表示：「多謝公司16年嚟嘅栽培！我覺得自己同方芳呢個角色好似，19歲開始入TVB，一路上遇到好多機會，亦有好多好好嘅人幫助過我。多謝畀個機會我嘅人！」

龔嘉欣又感謝陳凱琳、譚凱琪等演藝圈好友：「我冇屋企人喺身邊，好多謝呢行遇到真心且唔會當你係競爭對手嘅朋友。好多謝珍姐，我真係好鍾意你鬧我，如果你唔鬧我，我會覺得自己唔重要。唔止事業上，人生路上都畀咗好多意見我，成日提我要儲錢。邊有上司會煮飯畀人食㗎？以後我會煮飯畀你食。經過咗16年，我覺得我比以前更有自信，我會用行動證明畀大家睇我係幾咁熱愛演藝工作。」

萬千星輝頒獎典禮2024得獎名單

最佳劇集：《反黑英雄》

最佳男主角：張振朗《反黑英雄》

最佳女主角：龔嘉欣《企業強人》

最佳男配角：林景程《反黑英雄》

最佳女配角：傅嘉莉《反黑英雄》

飛躍進步男藝員：阮浩棕

飛躍進步女藝員：陳曉華

最佳男主持：區永權

最佳女主持：陳貝兒

最佳男新人：張馳豪

最佳女新人：陳懿德

最佳衣著男藝人：陳豪

最佳衣著女藝人：王敏奕

最佳綜藝節目獎：《中年好聲音2》

最佳資訊及專題節目獎：《東張西望》

最佳電視歌曲：姚焯菲〈這個家〉《愛·回家之開心速遞》

專業精神獎：TVB體育組

萬千光輝演藝大獎：鍾志光

大灣區最喜愛TVB劇集：《黑色月光》

大灣區最喜愛TVB綜藝及資訊節目：《無窮之路 IV-一帶一路》

大灣區最喜愛TVB男主角：馬國明《飛常日誌》

大灣區最喜愛TVB女主角：楊茜堯《黑色月光》

馬來西亞最喜愛TVB劇集：《企業強人》

馬來西亞最喜愛TVB綜藝及資訊節目：《獎門人感謝祭》

馬來西亞最喜愛TVB男主角：張振朗《反黑英雄》

馬來西亞最喜愛TVB女主角：張曦雯《企業強人》