蕭正楠與黃翠如食飯走後門　避狗仔隊用帆布間私人空間

由倪嘉雯（Carmen）、黃嘉雯（Carmaney）、王嘉慧（Cathy）、廖慧儀（Jessica）、伍倩彤（Gillian），蔡景行（行仔）、范莎莎（Zaza）主持的TVB Plus飲食節目《美食新聞報道》。今晚（12月12 日）播出的一集請來將為人父的蕭正楠任「星級飯腳」嘉賓，他帶主持黃嘉雯（Carmaney）重臨當年同太太黃翠如拍拖時幫襯的辣蟹店。

蕭正楠透露當時跟翠如拍拖沒多久，為避狗仔隊追訪，每次都會走後門入內，他笑說︰「老闆娘知道我哋想要私隱，正門入驚驚動太多人，所以後門入。老闆娘又會幫我哋用帆布加屏風，間一處私人空間，又真係好浪漫。」。

蕭正楠自爆自己得悉做爸爸的過程充滿驚喜︰「我知呢件事前一日，嗰日喺吐露港揸車，見到有兩條彩虹，當時心諗『今年咁特別嘅，見到咁靚彩虹嘅』。嗰時翠如其實已經知道自己有咗，到第二日佢先講畀我聽。」他回想當刻感動到流下男兒淚，心情非常複雜︰「確實好夢寐以求又好意想不到，又已經將期待放到最低，但突然畀咗呢份禮物，所以好開心。但現在心情又變得好忐忑。」蕭正楠解釋，現在只要太太有少許頭暈身㷫或者有工作要做，自己都會變得好緊張。

蕭正楠接住到九龍城介紹一間餐廳的酸菜魚，讓他找回「北京的味道」，他解釋︰「未入TVB前曾經喺北京生活，當地人食嘅都係好濃味食物。返到香港食唔返，後來陸永就介紹咗呢間店畀我，真係搵得返北京口味嘅菜。呢度嘅家鄉炒米粉係翠如至愛。」同場推介的砂鍋粥及燉湯，非常適合經常要捱夜的藝人。