2024年已經過了超過一半，男團ERROR終於有今年第一首新曲登場，名為〈無敵聖衣〉，內容是要分享接受失敗的心態猶如一件聖衣，是一種力量加持，挑戰不可能的事情，感覺好熱血。而今次ERROR更以日系Band Sound風格製作歌曲，隊長肥仔提到：「玩Band sound都想延續死腳膠嘅夢，因為平時pop嗰啲喺頒獎禮攞唔到獎嘛，今次就試下行rock嘅路線。」
歌曲J-Rock風格，MV亦以日系動畫風製作，193說：「MV有少少趕，我要出trip工作，返到嚟冇時間拍MV，於是同陳考威錄完音，傾開MV要點拍好，傾傾下見到一啲動畫reference。我哋做呢首歌嘅時候，都想有啲日系動畫主題曲嘅感覺，所以就諗，不如用日系動漫風畫出嚟。我哋上網搵咗好多reference，然後搵咗之前為我哋嘅節目《花姐ERROR遊》同《辣王傳》畫過動畫嘅團隊，幫我哋製作咗呢個MV，都幾滿意。」
阿Dee提到還有打機感覺：「以前打機係一關關一層層咁上去，而我哋用呢個去比喻每一個人要go through嘅困難嗰個過程，就好似打機咁，要一層一層同魔王對戰。打輸咗？唔緊要，按Countinue，再復活再打，我哋就係用咗呢個角度去表達〈無敵聖衣〉裡面所講嘅堅持。」
MV最後ERROR走到final stage，穿上聖衣表演，還有在MV中出現的「濟典娜」，便是度身訂造為一眾404而構思，阿Dee透露：「好似我哋嘅角色造型，起初有啲次美國漫畫風，後來再改動成為日漫，同埋成個MV嘅graphics都有作出調整，做過好幾個版本，係兩種氣氛嚟，但最後揀咗呢種線條比較簡單，但走出嚟效果會比較cute、親民，容易入口啲嘅表達方式，而家成品同音樂可以扣埋一齊，所以我好滿意。」
〈無敵聖衣〉MV當中加插了大量ERROR從出道至今的事蹟在其中，Poki看過MV後表示：「睇完MV真係好多回憶，好似笨豬跳(MV中變了跳崖)，就令我諗起當日《花姐ERROR遊》嘅點滴，真實做唔到嘅時候，就喺呢個動漫MV做到了。」而這個MV的打大佬故事，也令Poki有所感受：「希望我哋四個人，可以力挽狂瀾，慢慢攀上去，一開始，就好似MV入面，大家只係著住紙皮衫，到最後終於有件無敵聖衣，就係慢慢累積level up，同我哋事業一樣。」
而ERROR昨日在〈無敵聖衣〉首播日子齊到電台接受訪問，有近百名404忠粉得知肥仔、阿Dee、193及Poki現身廣播道，無懼黃色暴雨警告，在電台門外等ERROR的到來。