廣告(請繼續閱讀本文)
藝人蔡卓妍(阿Sa)及張繼聰主演嘅賀歲片日前低調開鏡,不過有指團隊強行衝入中環一間美容院拍攝,店主事後於網上描述事發經過作出公審,引發風波。涉事電影公司本地製作有限公司一直未有回應事件,終喺尋日(23日)深夜於社交平台發出聲明,澄清指控,更道出事件另一版本,驚變羅生門!
對於被指店員表明不可內進後,劇組仍將拍攝用對講機放於店內門邊,及後演員進店埋位及講對白,被指攝製隊霸王硬上弓,本地製作於聲明中表示,製作單位早喺拍攝前兩星期,聯絡店舖洽商借場問題,惟價錢超出預算,只能維持在街上拍攝游走的戲份。而到正式拍攝當日,得悉劇組主要成員與該店舖負責人關係良好,便提出重新溝通,望增加成功拍攝可能性,最終得到當時在場一名職員准許,允許拍攝。
廣告(請繼續閱讀本文)
至於將對講機擺入店舖作拍攝之用,過程亦完全冇受到店員阻攔,劇組先向有相關店員示好,同時該店舖負責人之親屬亦剛好現身門外,並與劇組言談甚歡,冇提出阻止之意向。
直至劇組發現有店內職員向拍攝人員影相,劇組上前示意停止時,對方突然話從不允許劇組拍攝,事件先出現180度轉變。而事發後不久,該店舖就發出貼文指控劇組有粗暴拍攝之嫌。聲明亦表示劇組曾嘗試同店舖溝通,但一直未得到回覆,最後亦重申,劇組有多年製作經驗,若非對方允許絕不會強行拍攝,最後亦願意就是次事件引起嘅誤會道歉,並承諾會將該店舖嘅三個鏡頭刪除。
東網網站 : https://on.cc/東網Facebook專頁 : https://www.facebook.com/onccnews/
廣告(請繼續閱讀本文)
grassssಠ_ಠ 老闆唔同意,個員工可以私下同意? 定有人用話術呃個員工話同老闆傾好咗呀? 地下部walkie又點解釋,唔通部機自己走入去㗎?
1小時前
SounD 食屎啦,打死都唔會睇!啲錢攞來買咖喱魚蛋食
3小時前
橋 杯葛製作公司及呢兩個主角!不睇。
1小時前
lawlo 收取到錢,事後唱衰當免費宣傳?
3小時前
米米 一句講曬,店嫌制作出錢唔夠,唸住唱人地,咁人地都講明刪鏡頭,咁間店就毛都冇得賺了🤣🤣
3小時前
顯示全部