陳法拉日前出席在巴黎時裝周舉行的品牌活動，首次踏足法國大皇宮以及巴黎歌劇院的她，讚歎兩大地標Iconic建築的莊嚴及藝術氣氛，令人深深體會到品牌對文化傳承的貢獻。法拉首次在大皇宮觀看時裝騷，她盛讚這座歷史悠久的建築充滿電影感︰「宏偉嘅中殿同典雅嘅玻璃穹頂，十分有電影感。今次睇騷，我亦特別鍾意最後一幕，一眾女模特兒披上斗篷登場，感覺非常強大自由。咁啱今日天氣好好，藍天白雲，睇完騷心情更加靚。」
廣告（請繼續閱讀本文）
法拉在活動遇上香港奧運游泳選手何詩蓓、台灣女星許瑋甯、奧斯卡最佳女配角雷碧達尼安高（Lupita Nyong'o），把握機會跟眾人合照。傍晚時分，法拉前往巴黎歌劇院欣賞芭蕾舞表演，她第一次踏足這座歷史悠久的藝術殿十分興奮︰「巴黎歌劇院真係好莊嚴美麗，坐喺裏面睇住舞者輕盈優雅的動作，感覺如夢似幻。呢度嘅每一個細節都係一件藝術品，實在太難忘。」
（即時娛樂）