網上熱話｜港媽壽司郎慶生極不快 列店家3大罪名 網民炮轟：怪獸家長！

慶祝生日固然是一件開心事，不少餐廳為了吸引客人到訪慶生，都會特別準備不同的環節及項目，盼能提供一個高興又舒適的體驗。不過，當然並非所有餐廳都會有特別安排。早前，一位港媽帶同小朋友到壽司郎慶祝生日時，就因為店舖的3大罪名而令她十分不忿，繼而在社交平台發文怒轟，引起網民關注。

港媽為小朋友慶祝生日 選址壽司郎

近日一位港媽在社交平台上發文，指適逢小朋友生日，到訪連鎖壽司店「壽司郎」用餐，原以為能在壽司店為壽星仔過上一個有趣又難忘的生日，卻沒料到該店舖員工未有太大熱情，令她對整體體驗感到「無奈及搞笑」。

過程極不快 列店舖3大罪名

她憶述在壽司郎的慶生經歷不快，直指自備蛋糕到場，但駐場員工則表示「要自己清理糕盒」，當時她尚未覺得有問題，直到想點蠟燭時，「全間店冇得點蠟燭」、「仲有店內同事提醒我，我哋唔會幫你哋做呢啲嘢」。雖然後來「終於有同事幫我問搵到個火機點蠟燭」，但當事主再要求店員提供碟仔食蛋糕時，對方卻直言「我哋唔會提供啲碟俾你食蛋糕」、「問佢攞叉，同事話不能提供」。

大批網民留言炮轟：人哋冇收你切餅費

事主稱在店員甚麼都不肯提供的情況下，「我哋要用豉油碟」分食蛋糕，並在文末警世道「提醒大家如果上嚟慶祝生日，要食蛋糕蛋糕千祈唔好佢呢度」。事件引來大批網民留言，大部分網民均唔認同事主的行為，揚言「人哋門口長期排晒隊，賺得你嗰幾條嘢咁大把，你响度開Party，阻住人做生意仲好意思投訴，去酒樓Book一圍枱咪冇煩惱囉」、「人哋又冇收你切餅費， 憑乜嘢要畀叉畀碟畀打火機你？你都真係幾搞笑」，更有網民直指「想好服務去食海底撈啦」、「（壽司郎）限時一個鐘，仲要切蛋糕」、「俾你切已經好好啦…仲要呢樣要果樣」、「不知所謂」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)