唔知鄧麗欣係歌手 何嘉麗讚葉童夠謙虛

電台DJ及女歌手何嘉麗，今日到電台宣傳清談節目《金像女情》，她透露節目訪問了不少《金像獎》最佳女演員及導演，包括毛舜筠、吳家麗及鄧麗欣等。何嘉麗自爆：「我最瘀係唔知道鄧麗欣係歌手出身，俾人笑到面黃。嘉賓中最夠義氣係吳家麗，訪問1月尾拍攝，啱啱遇上疫情第一波爆發，當時大家對疫情仲唔係好了解，人人自危，不過佢應承咗，話嚟就嚟，拍攝過程大家都好緊張，工作人員遞支水都唔敢飲，大家盡快做完就返屋企沖涼消毒。」
何嘉麗又大讚兩屆「金獎影后」葉童相當謙虛，她說：「葉童到依家都話要向唔同導演學習，又話：『拍戲嘅時候唔好太多聲氣、唔好嘥菲林，最好一Take過搞掂。』葉童仲話當年同哥哥(張國榮)拍攝《烈火青春》時，覺得哥哥靜落嚟時優雅得好似雕塑。」問到會否希望添食男士版，何嘉麗坦言希望，但要等公司安排，皆因電影圈由男性主導，所以公司才用女性角度，講述女演員身處電影圈的困難處。